Авиаотынның бағасын және банктердің қолма-қол ақшасыз есеп айырысу тарифтерін белгілеу
2021 жылғы 29 қаңтарда Қазақстан Республикасы Бәсекелестікті қорғау және дамыту агенттігінің Қарағанды облысы бойынша департаменті тауар нарықтарына кіру кедергілерін анықтау және жою жөніндегі кеңестің отырысын өткізді.
Отырыста екі ірі мәселе қаралды: авиаотынға баға белгілеу және төлем карточкаларымен қолма-қол ақшасыз есеп айырысу үшін комиссияға Екінші деңгейдегі банктердің тарифтері.
Кедергілер жөніндегі кеңес мүшесі, "Сарыарқа "әуежайы" АҚ Басқарма Төрағасы Сәрсембек Көшкінов пандемия жағдайында жолаушылар және жүк рейстерінің саны айтарлықтай қысқарғанын, халықаралық әуе қатынасы тоқтатылғанын атап өтті. Бұл ретте бүгінгі күні жеткізушілерден авиаотынның құны орташа әлемдік бағадан асып түседі, ал отын ұшулардың негізгі шығын бөлігі болып табылады. Спикер авиаотынның жеткізушілерде (өндірушілерде, ресурс ұстаушыларда) баға белгілеу мәселесін зерделеу қажеттігін атап өтті, өйткені авиаұшуларға сұраныстың төмендеуі жағдайында авиабилеттердің бағасы және авиакомпаниялардың қызметі авиациялық ЖЖМ құнынан тікелей корреляцияланады.
Жаңа технологияларды енгізу карточкаларды қолдану арқылы төлемдердің өсуіне әкелді-бұл мәселені "Аманат" ЖШС директоры Аян Рысбеков атап өтті. Қазіргі уақытта, қолма-қол ақшасыз төлем әдісі кеңінен қолданылады. Екінші деңгейдегі банктердің қолма-қол ақшасыз есеп айырысу бойынша көрсететін қызметтері тұтынушыларды да, жеке кәсіпкерлік субъектілерін де қозғайды.
Сонымен қатар, сауда нүктелерінде төлем карточкаларымен қолма-қол ақшасыз есеп айырысу үшін комиссияға тариф белгілеудің ашықтығы жоқ. Оның мөлшері айтарлықтай және транзакция сомасының 1,1% - дан 1,5% - на дейін ауытқиды, бұл ретте банктер оның мөлшерін өздері азайта/ ұлғайта алады. Сонымен қатар, ЕДБ-нің бұл қызметі барлық бөлшек сауданы қамтиды және бөлшек нарық субъектілерінде айтарлықтай шығындарға алып келеді.
Төлем карточкаларымен қолма-қол ақшасыз есеп айырысу үшін комиссия мөлшерінің ашықтығын, негізділігін қамтамасыз ету мақсатында А.Рысбеков ЕДБ-де осы тарифті қалыптастыру тетігін зерделеуді ұсынды.
Тосқауылдар жөніндегі кеңес отырысының қорытындысы бойынша Қазақстан Республикасы Бәсекелестікті қорғау және дамыту агенттігінің тосқауылдар картасына енгізу үшін тиісті ұсыныстар әзірленді.
Ашық көздерден алынған фотосурет