Зертханалық қызметтер нарығындағы кедергілер
29 желтоқсанда өткен Бәсекелестікті қорғау және дамыту агенттігінің Кедергілер жөніндегі кеңесінің отырысында ЖҚТБ орталығы мен ҚДИАҒО-ның АИТВ инфекциясына зерттеулер жүргізуге монополиясы – зертханалық зерттеулер нарығында бәсекелестікті дамыту үшін елеул3 кедергілердің бірі – атты мәселе с-з болдыі. «Қазақстандық медициналық зертханалар қауымдастығы» ЗТБ-ның өкілі Ернар Кенжебаев. - Бұл қызметті монополиясыздандыру және меншік нысаны мен ведомстволық бағыныстылығына қарамастан барлық денсаулық сақтау ұйымдарына АИТВ-инфекциясына талдау жүргізуге рұқсат беру қажет деп есептейміз. Осы үшін аталған мәселені реттейтін ҚР Денсаулық сақтау министрлігінің заңға тәуелді және нормативтік құқықтық актілеріне өзгерістер енгізу қажет.
Қаныш Тілеушиннің төрағалығымен өткен Кедергілер жөніндегі кеңесте алғаш рет медициналық қызмет көрсету саласындағы проблемалар талқыланды. ЖҚТБ орталығы мен ҚДИАҒО-ның АИТВ-ға зерттеулер жүргізуге монополиясы – «Қазақстан медициналық зертханалар қауымдастығы» ЗТБ-ның өкілі мәлімдеген 16 әкімшілік кедергінің бірі ғана. Оның айтуынша, АИТВ-инфекциясына зерттеулер жүргізу қызметтері әлемнің көптеген елдерінде монополиясыздандырылған, Қазақстанда 2010 жылға дейін АИТВ-ға тексеруді тиісті лицензиясы бар барлық зертханалар жүргізген. Ернар Кенжебаевтың пікірінше, жеке зертханалардың қатысуы халықты қамтуды арттыруға, пациенттің таңдау құқығын іске асыруға мүмкіндік береді. Сондай-ақ Кедергілер жөніндегі кеңесте АИТВ-ға ТМККК шеңберінде мемлекет бөлетін қаражат көлемін жыл сайын ұлғайту және осы құралдарға жеке зертханаларға рұқсат беру зертханалық қызметтер нарығында бәсекелестікті дамыту үшін мүмкіндіктер туғызатыны атап өтілді.
Ернар Кенжебаев айтқан басқа әкімшілік кедергілердің қатарында – пренаталдық скрининг, маммографиялық суреттерді «екіжақты оқу» , патогендігі III-IV топтағы микроорганизмдермен жұмыс істеуге жағдайлары бар зертханаларда SARS-CoV-2 (COVID-19) болуына диагностика, жануарлардың аса қауіпті ауруларына диагностика жүргізу мүмкіндіктерінің болмауы бар.
Кедергілер жөніндегі кеңестің отырысында айтылған барлық ұсыныстарды Агенттік уәкілетті мемлекеттік органдармен пысықтау үшін қабылдады.