2019 жылғы 10-12 желтоқсан аралығында Будапешт қаласында (Венгрия Республикасы) ЭЫДҰ Бәсекелестік жөніндегі өңірлік орталығы (бұдан әрі – ЭЫДҰ орталығы) монополияға қарсы ведомстволар үшін "Энергетикалық сектордағы бәсекелестік қағидалары" тақырыбында семинар өткізді.
Қазақстан Республикасы Ұлттық экономика министрлігінің Бәсекелестікті қорғау және дамыту комитеті (бұдан әрі - Комитет) жыл сайын мақсаты монополияға қарсы ведомстволар қызметкерлерінің біліктілігін арттыру және қатысушылар арасында практикалық тәжірибе алмасу болып табылатын ЭЫДҰ орталығы жанындағы семинарларға қатысады.
Комитет атынан аталған семинарға Комитеттің Тергеу басқармасының бас сарапшысы Баяманов Диас Қуанышбекұлы және Комитеттің Отын-энергетикалық кешені басқармасының бас сарапшысы Асамбеков Қуат Маратұлы қатысты.