Қазақстан Республикасы бәсекелестікті қорғау және дамыту агенттігінің Қарағанды облысы бойынша департаменті мемлекеттік мүлікті мүліктік жалдауға (жалға алуға) және сенімгерлік басқаруға беру тендерлеріне жүргізілген талдау шеңберінде "Шет ауданының мемлекеттік активтер және сатып алу бөлімі" ММ қатысты ҚР Кәсіпкерлік кодексінің нормаларында көзделген заң бұзушылықтар бойынша тергеуді аяқтады.
"Шет ауданының мемлекеттік активтер және сатып алу бөлімі" ММ атына енгізілген Департаменттің Қарағанды облысының Шет ауданында орналасқан коммуналдық мүлікті сенімгерлік басқаруға беру жөніндегі шартты бұзу туралы хабарламасын орындамауы тиісті тергеу жұмыстарын жүргізуге негіз болды.
Тендерлік шарттарда мүлікке қызмет көрсету үшін өндірістік базаның болуы қажет екендігі көрсетілген. Осындай талап Кәсіпкерлік кодекстің 194 бабына сәйкес бәсекелестікті шектейді және үшінші тұлғаларға басымдылық береді.
Тергеу нәтижелері бойынша "Шет ауданының мемлекеттік активтер және сатып алу бөлімі" ММ-не қатысы бар заң бұзушылықтарды жою және алдағы уақытта осындай бұзушылықтарға жол бермеу бойынша тиісті шаралар қабылдау туралы нұсқама шығарылды.