ҚР Бәсекелестікті қорғау және дамыту агенттігінің Қарағанды облысы бойынша департаменті «Қарқаралы ауданының мемлекеттік активтер және сатып алу бөлімі» ММ-не қатысты Қазақстан Республикасының Кәсіпкерлік Кодексінің нормаларында көзделген құқық бұзушылықтар белгілері бойынша тергеу аяқталды.
Тергеп-тексеруге «Қарқаралы ауданының мемлекеттік активтер және сатып алу бөлімі» ММ-нің атына Қарқаралы қаласында мамандандырылған техника мен автомашиналарды сенімгерлік басқаруға беру жөніндегі жеке кәсіпкер А.З.Игликовамен шартты бұзу туралы енгізілген Департаменттің хабарламасының орындалмауы негіз болды.
Тендерлік (конкурстық) шарттарда аудан орталығында мүлікті тұраққа қою және оған техникалық қызмет көрсету үшін өндірістік базаның болуы қажет екендігі көрсетілген. Тендердің көрсетілген шарттары бәсекелестікті шектейді және үшінші тұлғалар үшін басымдылық береді, мұны бәсекелестікті қорғау саласындағы заң бұзушылыққа жатқызуға болады.
«Қарқаралы ауданының мемлекеттік активтер және сатып алу бөлімі» ММ тексеру барысында ЖК А.З.Игликовамен осы шартты бұзып, Қазақстан Республикасының бәсекелестікті қорғау саласындағы заңнама нормаларының бұзылғандығын мойындады.
«Қарқаралы ауданының мемлекеттік активтер және сатып алу бөлімі» ММ-не қатысты тергеу нәтижелері бойынша жіберілген заң бұзушылықтарды жою және оларды алдағы уақытта болдырмау жөнінде шаралар қабылдау туралы нұсқама шығарылды.