Бүгін Қазақстан Республикасы Парламенті Мәжілісінің жалпы отырысында Бәсекелестікті қорғау және дамыту агенттігінің төрағасы Серік Жұманғарин «Еуразиялық экономикалық комиссияның 2014 жылғы 12 қарашадағы Бәсекелестіктің бірыңғай қағидаларының сақталуын бақылау жөніндегі өкілеттіктерді жүзеге асыруы кезінде құпия ақпаратты қорғау тәртібі және оны жария еткені үшін жауаптылық туралы келісімге Армения Республикасының қосылуы туралы хаттаманы ратификациялау туралы» Заң жобасына баяндама жасады. Серік Жұманғарин өз сөзінде бұл Келісімге 2014 жылғы 12 қарашада Қазақстан Республикасы Ресей Федерациясымен және Беларусь Республикасымен бірлесіп қол қойғанын атап өтті. Армения Республикасының осы Келісімге қосылуы оның ЕАЭО-ға мүше мемлекеттердің субъектілеріне қатысты трансшекаралық нарықтардағы бәсекелестіктің жалпы қағидаларының сақталуын бақылау жөніндегі ЕЭК-тің өкілеттіктерін іске асыруға толық құқықты қатысуын қамтамасыз етуге мүмкіндік береді.
Қазақстан Республикасы Парламентінің Мәжілісі аталған заң жобасын бірінші оқылымда мақұлдады.