2021 жылғы 27 желтоқсандағы № 352-НҚ бұйрықпен бекітілген Қазақстан Республикасы Бәсекелестікті қорғау және дамыту агенттігінің (бұдан әрі – Агенттік) 2022 жылға арналған жоспарына сәйкес Агенттік және оның аумақтық бөлімшелері 2021 жылдың және 2022 жылдың I-жартыжылдығының қорытындысы бойынша өңделген сүтті көтерме саудада өткізу қызметтері нарығына талдау (бұдан әрі – талдау) жүргізді.
Қазақстан Республикасы Үкіметінің 2010 жылғы 1 наурыздағы № 145 қаулысына сәйкес жұмсақ қаптамадағы майлылығы 2,5% пастерленген сүт әлеуметтік маңызы бар азық-түлік тауарларының (бұдан әрі – ӘМАТ) тізбесіне кіреді.
Талдау жүргізудің мақсаты зерттелетін тауар нарығындағы бәсекелестіктің жай-күйін бағалауды және нарықтың шоғырлану дәрежесін анықтау, тиісті тауар нарықтарында үстем немесе монополиялық жағдайға ие нарық субъектілерін анықтау, сондай-ақ монополистік қызметтің алдын алу және жолын кесу болып табылды.
Талдау Қазақстан Республикасының Кәсіпкерлік кодексіне (бұдан әрі – Кодекс) және Қазақстан Республикасы Бәсекелестікті қорғау және дамыту агенттігінің 2022 жылғы 3 мамырдағы № 13-НҚ бұйрығымен бекітілген Тауар нарықтарындағы бәсекелестіктің жай-күйіне талдау жүргізу жөніндегі әдістемеге (бұдан әрі – Әдістеме) сәйкес жүргізілді.
Талдау жүргізу кезінде статистика, сот, кеден органдарынан және жергілікті атқарушы органдардан, және зерттелетін тауар нарығында қызметін жүзеге асыратын нарық субъектілерінен алынған мәліметтер пайдаланылды.