2021 жылғы 27 желтоқсандағы № 352-НҚ бұйрықпен бекітілген Қазақстан Республикасы Бәсекелестікті қорғау және дамыту агенттігінің (бұдан әрі – Агенттік) 2022 жылға арналған жоспарына сәйкес Агенттік және оның аумақтық бөлімшелері Қазақстан Республикасының географиялық шекараларында 2022 жылдың I-жартыжылдығының қорытындылары бойынша құмшекерді көтерме саудада өткізу қызметтері нарығына талдау (бұдан әрі – Талдау) жүргізді.
Қазақстан Республикасы Үкіметінің 2010 жылғы 1 наурыздағы № 145 қаулысына сәйкес құмшекер әлеуметтік маңызы бар азық-түлік тауарларының (бұдан әрі – ӘМАТ) тізбесіне кіреді.
Талдау жүргізудің мақсаты зерттелетін тауар нарығындағы бәсекелестіктің жай-күйін және нарықтық шоғырлану деңгейін бағалауды анықтау, тиісті тауар нарықтарында үстем немесе монополиялық жағдайға ие нарық субъектілерін анықтау, сондай-ақ монополистік қызметтің алдын алу және жолын кесу болып табылды.
Талдау Қазақстан Республикасының Кәсіпкерлік кодексіне (бұдан әрі – Кодекс) және Қазақстан Республикасы Бәсекелестікті қорғау және дамыту агенттігінің 2022 жылғы 3 мамырдағы № 13-НҚ бұйрығымен бекітілген Тауар нарықтарындағы бәсекелестіктің жай-күйіне талдау жүргізу жөніндегі әдістемеге (бұдан әрі – Әдістеме) сәйкес жүргізілді.
Талдау жүргізу барысында статистика, мемлекеттік кірістер органдарынан және жергілікті атқарушы органдардан, қызметін зерттелетін тауар нарығында жүзеге асыратын нарық субъектілерінен алынған мәліметтер пайдаланылды.