Қазақстан Республикасы Бәсекелестікті қорғау және дамыту агенттігінің командасын және Агенттіктің Цифрландыру департаментінің директоры Рауан Тоқболатұлы Канкинді «AI GOVERNANCE CUP» атты конкурстағы «AI Экономика» аталымы бойынша тамаша жеңісімен құттықтаймыз!
Рауан Тоқболатұлы – өршіл және мақсатшыл мамандардың жаңа буынының жарқын үлгісі.
Корея технологиялық институтының түлегі (Корея Республикасы) академиялық жолын Назарбаев Университетінің магистранты және бір мезгілде Бостон университетінің (АҚШ) магистранты болуы арқылы жалғастырды.
Оның білімге, дамуға деген ұмтылысында шек жоқ, ал әзірлігінің жоғары деңгейін үздік білімі ғана емес, сонымен қатар Президенттік жастар кадрлық резервінде болуы дәлелдейді.
Ұсынылған «AI-Internal Audit (ЖИ пайдаланумен ішкі аудит): Ішкі деректерді зияткерлік бақылау және оңтайландыру жүйесі» жобасы жасанды интеллектінің озық технологиялары ашықтықты арттыру, процестерді оңтайландыру және негізделген басқарушылық шешімдерді қабылдау үшін тиімді қолданыла алатынын көрсетеді.
Оның инновацияларды дамытуға, зияткерлік шешімдерді енгізуге және қазіргі заманғы технологиялық құралды қалыптастыруға қосқан үлесі жоғары баға мен құрметке лайық.
Бұл жеңіс жаңа жетістіктердің бастамасы болып, одан әрі зерттеулер мен жаңалықтар ашуға шабыт берсін, сондай-ақ ең батыл идеяларды іске асыруға жол ашсын.
Тұрақты даму, кәсіби табыстар және жаңа жарқын жеңістер тілейміз!