«Ағаштарды кесуге рұқсат беру» мемлекеттік қызметін көрсету

Ағаштарды кесуге рұқсат беру мемлекеттік қызметі Қазақстан Республикасы Ұлттық экономика министрінің 2015 жылғы 20 наурыздағы №235 бұйрығымен бекітілген қағидаларға сәйкес көрсетіледі.

Мемлекеттік қызметті алу үшін жеке және (немесе) заңды тұлға қызмет көрсетушіге «электрондық үкімет» веб-порталы www.egov.kz

 және/немесе «электрондық лицензиялау» порталы elicense.kz арқылы электрондық құжат нысанында, электрондық цифрлық қолтаңбамен (ЭЦҚ) қол қойылған өтінішті және қажетті құжаттарды жолдайды.

Қызмет көрсетуші (Шахтинск қаласы бойынша):

«Шахтинск қаласының тұрғын үй-коммуналдық шаруашылығы, жолаушылар көлігі және автомобиль жолдары бөлімі» ММ.

Мемлекеттік қызмет көрсету мерзімі: портал арқылы өтініш берілген күннен бастап 10 (он) жұмыс күні.

Өтініш жұмыс уақытынан кейін, демалыс немесе мереке күндері берілген жағдайда, өтініштерді қабылдау келесі жұмыс күні жүзеге асырылады.

Қызмет құны: тегін.

Көрсету нысаны: электрондық.

Мемлекеттік қызмет көрсету нәтижесі:

— ағаштарды кесуге рұқсат беру, немесе

— дәлелді бас тарту.

Мемлекеттік қызмет көрсету үшін қажетті құжаттар тізбесі

Құжаттар тізбесі ағаш кесудің негізіне (мақсатына) байланысты:

1) Құрылыс / құрылыс-монтаж жұмыстары үшін (бекітілген қала құрылысы құжаттамасына сәйкес)

өтініш (электрондық, ЭЦҚ);

жер учаскесіне құқық белгілейтін құжаттың электрондық көшірмесі (егер «Жылжымайтын мүлік тіркелімі» МДҚ-да тіркелмесе);

кешенді ведомстводан тыс сараптама қорытындысы (оның ішінде мемлекеттік экологиялық сараптама қорытындысы);

объект аумағындағы жасыл желектерді түгендеу және орман-патологиялық тексеру материалдары (түрі, саны, жағдайы);

өтемдік ағаш отырғызу жоспары;

өтемдік отырғызуға кепілдік хат (отырғызу аяқталу мерзімі көрсетіледі);

өтемдік көгалдандыру бойынша мамандандырылған ұйыммен шарт.

2) Қайта жаңғырту / инженерлік желілер / жерасты және жерүсті коммуникациялар үшін

өтініш (электрондық, ЭЦҚ);

кешенді ведомстводан тыс сараптама қорытындысы (оның ішінде мемлекеттік экологиялық сараптама);

жасыл желектерді түгендеу және орман-патологиялық тексеру материалдары (түрі, саны, жағдайы);

өтемдік отырғызу жоспары;

өтемдік отырғызуға кепілдік хат (мерзімі көрсетіледі);

мамандандырылған ұйыммен өтемдік көгалдандыру шарты.

3) Қолданыстағы объектілер аумағын абаттандыру / түрлік құрамын жақсарту үшін

өтініш (электрондық, ЭЦҚ);

жер учаскесіне құқық белгілейтін құжат (егер «Жылжымайтын мүлік тіркелімі» жүйесінде болмаса);

жасыл желектерді түгендеу және орман-патологиялық тексеру материалдары (түрі, саны, жағдайы);

өтемдік отырғызу жоспары;

өтемдік отырғызуға кепілдік хат (мерзімі көрсетіледі);

өтемдік көгалдандыру бойынша мамандандырылған ұйыммен шарт.

4) Ағаштар мен бұталар жалпыға ортақ пайдаланылатын жерлерде өссе

өтініш (электрондық, ЭЦҚ);

өтемдік ағаш отырғызу жоспары;

өтемдік отырғызуға кепілдік хат (мерзімі көрсетіледі).

Қосымша: қызмет алушының жеке басы, заңды тұлғаның немесе ЖК тіркелуі туралы мәліметтер қызмет көрсетушімен «электрондық үкімет» шлюзі арқылы мемлекеттік ақпараттық жүйелерден алынады.

Мемлекеттік қызмет көрсету нәтижесі – келісім беру туралы хат немесе мемлекеттік қызмет көрсетуден дәлелді бас тарту.

  

«Шахтинск қаласының тұрғын үй-коммуналдық шаруашылығы, жолаушылар көлігі және автомобиль жолдары бөлімі» ММ