Саран қаласында көше жарығына қызмет көрсетуді мердігерлік ұйым жүзеге асырады және автоматты фоторелелердің жұмыс режимі күннің шығуы мен бату уақытына байланысты болып келеді.

Көшені жарықтандыру маңызды мәселе болып табылады, өйткені көптеген елді мекендерде электр берілісінің тиісті деңгейі жоқ. Бұл жергілікті тұрғындардың өмірін, әсіресе қыс мезгілінде қиындатады. Көшелерді, елді мекендерді жарықтандыру жолдарда кешкі және түнгі уақытта қозғалыс қауіпсіздігін қамтамасыз етеді.

Саран қаласында 2017-2022 ж.ж. кезеңінде 39 ауланы абаттандыру, жолдарды асфальттау, тротуарларды жайластыру және көше (аула) жарықтандыруды орнату жұмыстары жүргізілді. 339 жарықтандыру тірегі мен 406 шам орнатылды.

Сондай-ақ, Саран қаласының автомобиль жолдары мен саябақтарының бойында 974 жарықтандыру тірегі мен 1131 шам бар.

Барлық туындайтын авариялық жағдайлар мердігерлік ұйымның күшімен олардың анықталуына қарай жойылады.

Бүгінгі таңда көшелер мен аула аумақтарын жарықтандыру 82% құрайды.

2023 жылы «Елді мекендердің көшелерін жарықтандыру» бағдарламасы бойынша Саран қаласы бойынша көше жарықтандыру тіректерін орнату бойынша 97 бірлік көлемінде жарықдиодты шамдармен жұмыс жүргізу жоспарлануда (Кужанов ауласы 13-21, Кужанов автомобиль жолы, жаяужол (МҮ-ден Кужанов, 19 дейін), Горняк ықш. (Макаренко көшесінен Труда көшесіне дейін), Дубовка кенті (2-мектептен Дубовская көшесіне дейін, 3 ықш. айналма жолынан 2 ықш. 9 үйге дейін).