Алматы облысында 12 жастан бастап тұрғындарды короновирустық инфекцияға қарсы вакцинациялау жұмыстары жалғасуда. Ағымдағы жылдың 7 ақпанына қараған күні облыста бірінші компонентпен 1 036 030 адам егілді, оның ішінде 12 жастан 17 жасқа дейінгі жасөспірімдер – 68 885, жүкті әйелдер – 3498 және лактация кезеңіндегі әйелдер – 11 991. Екінші компонентпен 915 087 адам егілді, оның ішінде 12-17 жас аралығындағы жасөспірімдер – 35 079, жүкті әйелдер – 2093 және лактация кезеңіндегі әйелдер - 6492. Одан бөлек, 167 397 адам ревакцинация курсынан өтті.
Сондай-ақ, Алматы облысында коронавирустық инфекцияға қарсы вакцинация жүргізуге 318 егу кабинеті, 76 жылжымалы пункт іске қосылды.
Қазіргі уақытта облыста "Пфайзер" компаниясының "Комирнати", "Sinopharm Vero Cell", "Qaz Covid-in" және "Гам-КОВИД-ВАК ("Спутник V") вакциналары колданыста бар.
Вакцинацияға рұқсат алу үшін өзіңіздің учаскелік дәрігеріңізге, тіркелген жеріңіз бойынша мейірбикеңізге жүгіну немесе eGov.kz немесе eGov mobile қосымшасында порталында электрондық өтінімді жіберу арқылы алдын ала жазылу қажет. Жасөспірімдерге вакцинация ата-анасының немесе заңды өкілдерінің ақпараттандырылған келісімімен ғана жүргізіледі.
Вакцинация - пандемияны тоқтатудың жалғыз тиімді әдісі! Вакцина алып - өзіңізді және жақындарыңызды қорғаңыз!