Бүгін Текелі қалалық оқу-әдістемелік орталығында Тәуелсіздігіміздің 30 жылдық мерейтойы аясында «Қазақ әліпбиі - Тәуелсіздік діңгегі» тақырыбында онлайн семинар-тренинг ұйымдастырылды.
№4 орта мектептің қазақ тілі және әдебиет пәнінің мұғалімі Сәбира Нұрбергенқызының жетекшілігімен өткен шараға 10-шы сынып оқушылары белсенді атсалысты.
Трениг барысында Қарағанды облыстық тілдерді оқыту орталығының әдіскері Мунира Ағымбаева қатысушыларға жаңа қазақ әліпбиінің жазылу реті жайында ақпарат беріп, диакритикалық белгілермен берілген мақал-мәтел, жаңылтпаштардың, кірме сөздердің дұрыс оқылып айтылуын түсіндірді. Сондай-ақ латын қарпінде тест-ойындар ойнатып, оқушылардың сұрақтарына жауап берді.