Бүгін Текелі қаласының Жастар орталығында Қазақстан Республикасы Тәуелсіздігінің 30 жылдығы аясында «Қазақстандық жол – Текелі қаласының 30 жылдық жемісті белестері» атты дөңгелек үстел ұйымдастырылды.
Жиынға қала әкімінің орынбасары С.Болысбайұлы, «Текелі қаласының «Шарапат-Сауап» корпоративтік қорының төреғасы» Б.Файзулла, Алматы облысы мәслихатының депутаты, Текелі қаласы Мәдениет үйінің директоры – К.Нестеров, Текелі қалалық мәслихатының депутаты, Кәсіпкерлер палатасының директоры – Т.Жұмаділов, Текелі қаласының ішкі саясат бөлімі басшысы Н.Шоханова, «Текелі қаласының жұмыспен қамту және әлеуметтік бағдарламалар бөлімі» мемлекеттік мекемесінің басшысы орынбасары – Э.Қасенова қатысты.
Дөңгелек үстел барысында Текелі қаласының әлеуметтік-экономикалық, қоғамдық жетістіктеріне, сондай-ақ Қазақстан Республикасының Тұңғыш Президенті – Елбасы Н.Назарбаевтың тәуелсіз мемлекетті нығайтудағы тарихи рөліне назар аудара отырып, Тәуелсіздік жылдарындағы мемлекеттік құрылыстың негізгі қорытындылары мен перспективалары талқыланды.