Хаттама

Сарқан ауданының ішкі саясат, мәдениет, тілдерді дамыту  және спорт бөлімінің қызметіндегі сыбайлас жемқорлық тәуекелдерін ішкі талдау нәтижелері туралы

Сарқан қаласы                                                                   2024 жылғы 08 cәуір

КІРІСПЕ БӨЛІМ

      Бөлім (бұдан әрі – Бөлім) басшысының  2024 жылғы 27наурыз №12 "Бөлім қызметіндегі сыбайлас жемқорлық тәуекелдеріне ішкі талдау жүргізу туралы" бұйрығы негізінде  2024 жыл бойынша  2-10 сәуір аралығында сыбайлас жемқорлық тәуекелдеріне ішкі талдау жүргізілді. Ішкі талдауға  бөлім жұмысының  2023 жылдың І, ІІ, ІІІ тоқсаны жұмыс кезеңі қамтылды. Бөлім өз қызметін Сарқан ауданы әкімдігінің 2022 жылғы 31 қаңтардағы  № 23 қаулысымен бекітілген Ережеге (әрі қарай – Ереже) сәйкес жүзеге асырады. Бөлімнің миссиясы Ережеге сәйкес Бөлімнің  ішкі саясат, мәдениет, тілдерді дамыту және спорт саласындағы  мемлекеттік саясатты жүзеге асыру болып табылады.

Қазақстан Республикасы Президентінің 2016 жылғы 19 қазандағы № 12 Жарлығымен бекітілген сыбайлас жемқорлық тәуекелдерін ішкі талдау қағидаларына сәйкес келесі бағыттар бойынша ішкі талдау жүргізілді:

1. БӨЛІМ ҚЫЗМЕТІНЕ ҚАТЫСТЫ НОРМАТИВТІК ҚҰҚЫҚТЫҚ АКТІЛЕР:
2. Бөлім өз қызметінде басшылыққа алады:

- «Қазақстан Республикасының Еңбек кодексі» Қазақстан Республикасының 2015 жылғы 23 қарашадағы № 414-V Кодексі

- «Салық және бюджетке төленетін басқа да міндетті төлемдер туралы (Салық кодексі)» 2008 жылғы 10 желтоқсандағы № 99-IV Қазақстан Республикасының Кодексі;

- ҚР бюджет;

- ҚР мемлекеттік қызметшілерінің әдеп кодексі;

-Қазақстан Республикасының 1999 жылғы 1 шілдедегі № 409 Азаматтық кодексі;

- «Әкімшілік құқық бұзушылық туралы» Қазақстан Республикасының 2014 жылғы 5 шілдедегі № 235-V Кодексі;

- Қазақстан Республикасының 2020 жылғы 29 маусымдағы №350-VI  Қазақстан Республикасының әкімшілік рәсімдік-процестік Кодексі;

- «Қазақстан Республикасының мемлекеттік қызметі туралы» Қазақстан Республикасының 2015 жылғы 23 қарашадағы №416-V Заңы;

- «Мемлекеттік көрсетілетін қызметтер туралы» Қазақстан Республикасының 2013 жылғы 15 сәуірдегі №88-V Заңы;

- Қазақстан Республикасының 2001 жылғы 23 қаңтардағы №148 «Қазақстан Республикасындағы жергілікті мемлекеттік басқару және өзін-өзі басқару туралы» Заңы;

-«Сыбайлас жемқорлыққа қарсы іс-қимыл туралы» Қазақстан Республикасының 2015 жылғы 18 қарашадағы №410-V Заңы;

- «Құқықтық актілер туралы» Қазақстан Республикасының 2016 жылғы 6 сәуірдегі № 480-V Заңы;

- «Мемлекеттік сатып алу туралы» Қазақстан Республикасының 2015 жылғы 4 желтоқсандағы № 434-V Заңы;

- Қазақстан Республикасы Қаржы министрінің 2015 жылғы 11 желтоқсандағы № 648 бұйрығымен бекітілген Мемлекеттік сатып алуды жүзеге асыру қағидалары;

- "Қазақстан Республикасындағы Тіл туралы" Қазақстан Республикасының 1997 жылғы 11 шілдедегі №151 Заңы;

-"Қазақстан Республикасындағы Мәдениет туралы" Қазақстан Республикасының 2006  жылғы 15 желтоқсандағы  №207 Заңы;

-"Қазақстан Республикасындағы денешынықтыру және спорт туралы" Қазақстан Республикасының 2014  жылғы 3 шілдедегі  №228-V Заңы;

- «Мемлекеттік қызмет өткерудің кейбір мәселелері туралы»  Қазақстан Республикасы Президентінің 2015 жылғы 29 желтоқсандағы № 152 Жарлығы.

 

2.БӨЛІМ ҚЫЗМЕТІНДЕГІ СЫБАЙЛАС ЖЕМҚОРЛЫҚ ТӘУЕКЕЛДЕРІН АНЫҚТАУ

1. Объектінің қызметін реттейтін заңнамада лауазымды тұлғаның өз қалауы бойынша шешім қабылдауына ықпал ететін ережелердің болуы.
2. Бөлім өз қызметіде КР заңнамалық актілерін, бөлім Ережесін басшылыққа алады. Бөлім өз қалауы бойынша лауазымды тұлғалардың шешім қабылдауына ықпал етпейтін заңнамалық актілер аясында қызмет жүргізеді.
3. Объектінің қызметін реттейтін заңнамада жеке және заңды тұлғалардың өз құқықтары мен заңды мүдделерін іске асыруы кезінде кедергілер жасауға ықпал ететін ережелердің болуы.
4. Бөлімде өз құқықтары мен заңды мүдделерін іске асыруы кезінде кедергілер жасалмайды, өйткені бөлім өз қызметінде ҚР заңнамасын нақты ұстанады.
5. Мүдделер қақтығысының болуы. «ҚР Мемлекеттік қызмет туралы» ҚР Заңының 51-бабын орындау үшін «егер мүдделер қақтығысы бар болса, мемлекеттік қызметшіге лауазымдық өкілеттіктерді жүзеге асыруға тыйым салынады». Бөлімде қақтығыстар жоқ.

 

Кадр жұмысы бойынша:

1. 2024 жылдың 1 қаңтарына аудан әкімімен бекітілген және ауданның экономика және бюджеттік жоспарлау бөлімімен келісілген штаттық кестеге сәйкес. Бөлімнің жалпы штаттық саны – 7, оның ішінде мемлекеттік қызметшілер – 5 бірлік, бос орындар - 0.
2. Мемлекеттік қызметшілерді оқыту.

Мемлекеттік қызметшілерді оқыту бекітілген кестеге сәйкес жүргізіледі. 2024 жылы бөлімде 1 маман, 2023 жылы 2 маман біліктілікті арттыру курсынан өтті.

3. Мемлекеттік қызметшілердің Этикалық кодексін сақтау.

Бөлімдегі мемлекеттік қызметшілерді жиналыс барысында бөлім басшысы бөлімдегі бас мамандарды этикалық кодекспен таныстырды. Мемлекеттік қызметкерлермен этикалық кодексті бұзу анықталған жоқ.

 

Мемлекеттік сатып алу желісі бойынша:

Бөлімде барлық  мемлекеттік  сатып алулар «Мемлекеттік сатып алу туралы» ҚР Заңы шеңберінде өтеді.

2021 жылдың 4 айы бойынша  мемлекеттік  сатып алу жоспары бойынша 6 сатып алу өткізілді, 386551,57 мың теңге жалпы сомаға шарттар жасалды, оның ішінде:   

• 1 сатып алу ашық конкурс әдісімен өткізілді, 300000 мың теңге жалпы сомаға келісімшартқа қосымша шарттар жасалды;
• 5 келісім шартты бір көзден алу тәсілімен тікелей шарт жасау әдісімен өткізілді, 377521 мың теңге жалпы сомаға шарттар жасалды;

Мемлекеттік сатып алу кезінде дау-дамайға жол берілген жоқ.                                                     Қазақстан республикасының «Мемлекеттік сатып алу» Заңының     5-бабының 4 тармағына сәйкес мемлекеттік сатып алудың жылдық жоспарына өзгертулер мен толықтырулар айына екі рет енгізіледі. Мемлекеттік сатып алу кезінде лауазымды тұлғалардың афиилиирленуі анықталған жоқ.  Барлық шарттар қол қойылып орындалады.   Ішкі талдау нәтижесінде өткізілген мемлекеттік сатып алуда әлеуетті өнім берушілердің арасында мемлекеттік мекеменің басшысының туған-туыстары, жұбайы немесе жақтастары болған жоқ. Мемлекеттік сатып алу үшін пайдаланылатын ақшаны оңтайлы және тиімді жұмсау, мемлекеттік сатып алу процесінің ашықтығы мен жариялылығы қағидаты бойынша жүзеге асырылады.

ҚОРЫТЫНДЫ БӨЛІМ

Жоғарыда баяндалғанның негізінде:

• Қазақстан Республикасының Еңбек кодексі. Мемлекеттік сатып алу үшін пайдаланылатын ақшаны оңтайлы және тиімді жұмсау, мемлекеттік сатып алу процесінің жариялылығы мен ашықтығы қағидаты бойынша жүзеге асырылады;
• Қазақстан Республикасы үкіметінің 2001 жылғы 29 тамыздағы №112 қаулысымен бекітілген мемлекеттік бюджет қаражаты есебінен Қазақстан Республикасы органдарының қызметкерлеріне сыйлық беру, материалдық көмек көрсету және лауазымдық жалақыларына үстемақылар белгілеу ережесін қатаң ұстануға;
• Бөлім қызметінде «Сыбайлас жемқорлыққа қарсы іс-қимыл туралы» Қазақстан Республикасы заңының бұзылуына жол бермеу бойынша жөнінде үнемі түсіндіру жұмыстарын жүргізу, қажетті бақылау шараларын қабылдау;
• мемлекеттік қызметтер көрсетудің қолданыстағы стандарттарының талаптарын қатаң сақтауға және стандарттарды көрсетілетін қызметті алушылар үшін қолжетімді орында орналастыру;
• қолданыстағы мемлекеттік қызметтер стандарттарының талаптарын қатаң сақтау, сондай-ақ мемлекеттік қызмет көрсету мәселелері бойынша бөлім қызметкерлері арасында оқу өткізу;
• Қазақстан Республикасының әкімшілік рәсімдік-процестік Кодексі талаптарын қатаң сақтау, Жеке және заңды тұлғалардың жолданымдарын Қазақстан Республикасының әкімшілік рәсімдік-процестік Кодексі талаптарына сай қарау және орындау. Өтініштерді қарау мәселелері бойынша бөлім қызметкерлері арасында оқу өткізу;
• Ағымдағы жылдың қорытындысы бойынша «Сарқан ауданының ішкі саясат, мәдениет, тілдерді дамыту және спорт бөлімі» ММ қызметіндегі сыбайлас жемқорлық тәуекелдеріне ішкі талдау жүргізу;
• Жұмыс тобы сыбайлас жемқорлық тәуекелдерін сыртқы талдау нәтижелері бойынша анықтамаға қол қойылған күннен бастап 8 ай ішінде ұсынымдардың орындалуы бойынша мониторингті жүзеге асырсын.

 

Сарқан ауданының ішкі саясат,

мәдениет, тілдерді дамыту және

спорт бөлімінің басшысы                                                                       Д. Каипов

 

 

    Жұмыс тобының мүшелері:                                           

 

Ж. Құдияров                                                                                                

М. Жапанаева

Ж. Партия

 

 

 

Дата публикации

09 апреля 2024