Ауыл әкімі мен мекеме басшыларының қатысуымен жасөспірімдер арасындағы құқық бұзушылықтың алдын алу, олардың қауіпсіздігін қамтамасыз ету және құқықтық сауаттылығын арттыру мақсатында дөңгелек үстел өткізілді.
Кездесу барысында жасөспірімдер арасындағы құқық бұзушылықтың алдын алу, кәмелетке толмағандардың бос уақытын тиімді ұйымдастыру, тәртіп пен жауапкершілікті қалыптастыру, сондай-ақ отбасы, мектеп және қоғам арасындағы өзара байланысты нығайту мәселелері талқыланды.
Сонымен қатар, жасөспірімдердің тәрбиесіне ерекше көңіл бөлу, олардың бойында адамгершілік құндылықтарды қалыптастыру және құқық бұзушылыққа жол бермеу бағытында бірлескен жұмыстарды күшейту қажеттігі атап өтілді.
Жиын қорытындысы бойынша тиісті ұсыныстар айтылып, алдағы уақытта атқарылатын жұмыстардың маңыздылығы белгіленді.
Қариясы бар ауылдың — қазынасы бар! 💐Қарттар күніне орай ауыл ақсақалдары мен ақ жаулықты әжелерімізге ақ дастархан жайылып, құрмет көрсетілді.Ақ батасын беріп, ауылымыздың берекесі болып отырған қарияларымызға зор денсаулық, ұзақ ғұмыр тілейміз! Сіздердің өнегелі жолдарыңыз — бізге үлгі.Төрден орындарыңыз босамасын! 🤲
Мұғалімдер күніне орай Әл-фараби орта мектебінде ардақты ардагер ұстаздар бен мектеп ұстаздарын құрметтеп, құттықтауға арналған мерекелік іс-шара ұйымдастырылды.
Ұстаздарға деген ыстық ықыласын білдірген мектеп оқушылары арнайы концерттік бағдарлама ұсынып, ән мен биден шашу шашты. 🎶💃
Ұлағатты ұстаздарға деген құрмет – олардың еңбегіне берілген үлкен баға. Оқушылардың өнері арқылы мерекелік көңіл күй сыйланып, ұстаздарға жүрекжарды тілектер арналды. 💐
1 - қазан Қарттар күніне орай Қарабөгет ауылдық дәрігерлік амбулаториясында көп жылдар бойы денсаулық сақтау саласында абыройлы еңбек еткен ардагер дәрігерлерге құрмет көрсетілді.
Ақ дастархан жайылып, ақжарма тілектер айтылып, үлкендерге деген ыстық ықылас пен алғыс білдірілді. Ғұмырын адам денсаулығын қорғауға арнаған ардагерлердің еңбегі – кейінгі ұрпаққа үлгі.
Қарияларымызға зор денсаулық, ұзақ ғұмыр, отбасыларына амандық пен береке тілейміз! Әрдайым төрімізден орын алып, ақ баталарыңызды беріп жүре беріңіздер! 🌿
2026 жылдың 03 қыркүйек күні Қарабөгет ауылдық округінде «Таза Қазақстан» экологиялық акциясы аясында округ әкімі мен полиция қызметкерлерінің қатысуымен ауыл аумағында аула аралау жұмыстары жүргізілді.
Рейд барысында тұрғын үйлердің аулаларының тазалығы мен санитарлық жағдайы тексерілді. Тексеру нәтижесінде аумағын талапқа сай күтіп ұстамаған 3 тұрғын үй иесіне ескерту беріліп, Қазақстан Республикасының қолданыстағы заңнамасына сәйкес әкімшілік хаттама толтырылды.
Тазалық – әрбір тұрғынның ортақ жауапкершілігі. Баршаңызды өз аулаларыңыз бен көшелеріңізді таза ұстауға, қоршаған ортаға жанашырлықпен қарауға шақырамыз. Бірге таза әрі көрікті ауыл қалыптастырайық!
2026 жылғы 17 тамыз күні Қарабөгет ауылдық округі әкімшілігінде «Заң мен тәртіп» идеологемасы аясында «Заң және тәртіп құндылығы» атты ақпараттық акция ұйымдастырылды.
Акцияның негізгі мақсаты – ауыл тұрғындары арасында заң талаптарын сақтау, құқықтық сауаттылықты арттыру, қоғамдық тәртіпті қамтамасыз ету және әр азаматтың заң алдындағы жауапкершілігін түсіндіру.
Іс-шара барысында ауыл тұрғындарына заң мен тәртіптің қоғам өміріндегі маңызы, азаматтардың құқықтары мен міндеттері, қоғамдық қауіпсіздік және құқық бұзушылықтардың алдын алу бағыттары бойынша түсіндіру жұмыстары жүргізілді. Сонымен қатар, қатысушылар өз ой-пікірлерін ашық білдіріп, қоғамдағы тұрақтылық пен қауіпсіздікті сақтау үшін әр азаматтың заң талаптарын құрметтеуі маңызды екенін атап өтті.
Қарабөгет ауылдық округінде «Таза Қазақстан» экологиялық акциясы аясында округ әкімі мен полиция қызметкерлерінің қатысуымен ауыл аумағында аула аралау жұмыстары жүргізілді.
Рейд барысында тұрғын үйлердің аулаларының тазалығы мен санитарлық жағдайы тексерілді. Тексеру нәтижесінде аумағын талапқа сай күтіп ұстамаған 3 тұрғын үй иесіне ескерту беріліп, Қазақстан Республикасының қолданыстағы заңнамасына сәйкес әкімшілік хаттама толтырылды.
Тазалық – әрбір тұрғынның ортақ жауапкершілігі. Баршаңызды өз аулаларыңыз бен көшелеріңізді таза ұстауға, қоршаған ортаға жанашырлықпен қарауға шақырамыз. Бірге таза әрі көрікті ауыл қалыптастырайық!
МЕКТЕПТІҢ ЖАҢА ОҚУ ЖЫЛЫНА ДАЙЫНДЫҒЫ ТАЛҚЫЛАНДЫ
Округ әкімі мектеп директоры Ғалия Серікжан
қызы және қоғамдық кеңес мүшелерімен бірлесіп, жаңа оқу жылына дайындық барысына қатысты жиын өткізді.
Жиында ауылдағы білім беру саласына қатысты өзекті мәселелер кеңінен талқыланды. Атап айтқанда, «Мектепке жол» акциясының ұйымдастырылуы, сондай-ақ жаңа оқу жылына мектептің дайындығы қаралды.
Сонымен қатар мектеп ғимаратының, оқу кабинеттерінің, спорттық және басқа да нысандардың дайындығы, оқушылардың қауіпсіздігін қамтамасыз ету және білім алушыларға қолайлы жағдай жасау мәселелеріне назар аударылды.
Балалардың сапалы білім алуы мен қауіпсіз ортада тәрбиеленуі – баршамызға ортақ міндет. Осы бағыттағы жұмыстар алдағы уақытта да тұрақты түрде жалғасатын болады.
«Заң мен тәртіп» идеологиясы аясында Қарабөгет ауылдық округінде жастар ісі жөніндегі әдіскер-нұсқаушының ұйымдастыруымен түнгі рейд жұмыстары өткізілді.
Іс-шараның негізгі мақсаты – кәмелетке толмағандардың түнгі уақытта заңды өкілдерінсіз жүруінің алдын алу, қоғамдық тәртіптің сақталуын бақылау және жастар арасында құқық бұзушылықтың алдын алу.
Рейд барысында ауыл көшелері мен жастар жиі жиналатын орындар араланып, тұрғындарға түсіндіру жұмыстары жүргізілді. Жастарға заң талаптарын сақтау, өз қауіпсіздігіне жауапкершілікпен қарау және қоғамдық орындарда тәртіпті сақтау жөнінде ескертулер айтылды.
Заң мен тәртіп идеологиясы аясында психологиялық тренинг өткізілді
Заң мен тәртіп идеологиясын насихаттау мақсатында оқушыларға арналған психологиялық тренинг ұйымдастырылды. Іс-шараның негізгі мақсаты – қатысушылардың құқықтық мәдениетін қалыптастыру, қоғамдық тәртіпке жауапкершілікпен қарау, өзара сыйластық пен сенімді қарым-қатынасты нығайту, сондай-ақ жанжалдардың алдын алу дағдыларын дамыту болды.
Тренинг барысында қатысушылар психологиялық жаттығулар мен топтық жұмыстарға белсенді қатысып, эмоцияларды басқару, күйзелістің алдын алу, тиімді қарым-қатынас орнату және дау-дамайларды бейбіт жолмен шешу тәсілдері бойынша тәжірибелік білім алды. Сонымен қатар заң талаптарын сақтау, қоғамдық тәртіпті нығайту және құқық бұзушылықтың алдын алуда әр азаматтың жауапкершілігі туралы түсіндірме жұмыстары жүргізілді.