«Жетісу облысының дене шынықтыру және спорт басқармасы» мемлекеттік мекемесінің Ұйымдастыру әкімшілік және қаржыландыру жоспарлау бөлімінің Ережесі

 

  1. Жалпы ережелер

 

  1. Ұйымдастыру әкімшілік және қаржыландыру жоспарлау бөлімі (әрі қарай – Бөлім) «Жетісу облысының дене шынықтыру және спорт басқармасы» мемлекеттік мекемесінің (әрі қарай – Басқарма) құрылымдық бөлімшесі болып табылады.
  2. Қазақстан Республикасы Конституциясын, Қазақстан Республикасы Президентінің Жарлықтары мен Қазақстан Республикасының «Жеке және заңды тұлғалардың өтiнiштерiн қарау тәртiбi туралы», «Қазақстан Республикасындағы жергілікті мемлекеттік басқару және өзін-өзі басқару туралы», «Ұлттық мұрағат қоры және мұрағаттар туралы», «Қазақстан Республикасы мемлекеттік ұйымдарында құжаттау мен құжаттаманы басқарудың Тұрпатты ережелері туралы», «Сыбайлас жемқорлыққа қарсы іс-қимыл туралы», «Қазақстан Республикасының мемлекеттік қызметі туралы» заңдарын, Қазақстан Республикасының Еңбек кодексін облыс әкімдігінің қаулыларын, облыс әкімінің өкімдері және актілерін, Басқарма басшысының бұйрықтарын, сондай-ақ осы Ережені бөлім өз қызметінде басшылыққа алады.
  3. Бөлім басшысының ұсынысы бойынша бөлім туралы ереже Басқарма басшысымен бекітіледі.

 

  1. Бөлімнің басты функциялары және құқықтары

 

Функциялары:

Қазақстан Республикасы Президентінің жарлықтарын, Қазақстан Республикасы Үкіметінің қаулыларын және басқа да заң актілерін, Алматы облысы әкімдігінің өкімдері мен шешімдерін, Басқарма басшысы тапсырмаларының орындалуын қамтамасыз ету;

Басқарма құзыретіне кіретін мәселелер бойынша әкімнің өкімдері мен шешімдерін, әкімдік қаулыларының жобаларын әзірлеуге, концептуалдық құжаттарды дайындауға қатысу;

Басқармада іс-қағаздарын жүргізу жағдайын қамтамасыз ету және бақылау;

Басқарма бойынша кадрлық жұмысты жүргізу;

Сыбайлас жемқорлықтың алдын алу бойынша жұмысты жүргізу;

«Электрондық құжат айналымының бірыңғай жүйесі» электрондық құжат айналымы қағидаларына сәйкес жұмысты ұйымдастыру;

жеке және заңды тұлғалардың өтініштерін қарау;

кәсіби кадр дамуын, оның ішінде қайта даярлау, біліктілігін арттыру, тағылымдамалардан өтуін ұйымдастыру арқылы қамтамасыз ету;

кадр мониторингі және кадрлық іс жүргізуді, оның ішінде «е-қызмет» персоналды басқарудың ақпараттық жүйесі арқылы жүргізу;

мемлекеттік қызметке кіру, өткеру және тоқтату рәсімдерін сақтауды қамтамасыз ету;

мемлекеттік қызметшілердің қызметіне бағалау жүргізуді ұйымдастыру, олардың аттестаттау рәсімдерінің сақталуын қамтамасыз ету;

Мемлекеттік сатып алу саласындағы қызметті жүзеге асыру;

Жеке және заңды тұлғалардың өтініштерін қарау;

Қазақстан Республикасы Президентінің және Үкіметінің саясатын іске асыру;

Басқарманың қаржы-шаруашылық қызметін қамтамасыз ету;

Басқарма қызметкерлерінің еңбек ақысын уақытында төлеу, салық және әлеуметтік төлемдерін аудару;

Қаржыландыру жоспары бойынша бюджеттік бағдарламаларды жүзеге асыруды қамтамасыз ету;

Қазақстан Республикасының қолданыстағы заңнамасына сәйкес өзгеде функцияларды жүзеге асырады.

Қазақстан Республикасы Президентінің және Үкіметінің саясатын іске асыру;

Қазақстан Республикасының қолданыстағы заңнамасына сәйкес өзгеде құқықтар мен міндеттерді жүзеге асырады.

 

  1. Құқықтары мен міндеттері:

 

Бөлімінің құзыретіне кіретін әкім және әкімдік актілерінің жобаларын дайындау;

Жергілікті атқарушы билік органдары қызметінің нәтижесі бойынша сараптамалық, талдамалық және жиынтық жұмыстарды жүргізу, дене шынықтыру және спорт саласындағы жұмыстарды жетілдіру жөніндегі ұсыныстарды қарастыру;

Қазақстан Республикасының қолданыстағы заңнамасына сәйкес өзгеде құқықтар мен міндеттерді жүзеге асырады.

 

  1. Бөлім қызметкерлерінің жауапкершіліктері

 

Бөлім қызметткерлері жауапты болады:

 

басқарма басшылығының берген тапсырмаларын уақытылы және сапалы орындауға;

бөлімнің негізгі міндеттерін іске асыруға байланысты, жоспарланған іс-шараларды сапалы орындауға;

қызметтік нұсқауларға байланысты өзіне жүктелген міндеттерді атқарғаны үшін;

жоғары тұрған органдарға уақытылы ақпаратты беру үшін;

мемлекеттік қызметшілердің Әдеп кодексін бұзғаны үшін;

еңбек тәртібін бұзғаны үшін жауапты.

 

  1. Бөлім құрылымы мен оның қызметінің ұйымдастырылуы

 

Бөлімнің құрылымына бөлім басшысы және бас маман кіреді, оларды қызметке Басқарма басшысы қабылдайды және босатады.

 

Бөлім басшысы:

бөлімнің жұмысын басқарады және ұйымдастырады, Бөлім мамандарының шығармашылық, кәсіби жұмыс атқаруына қолайлы жағдай қалыптастырады;

басқарма басшысына Бөлім туралы ережені, бөлім қызметкерлерінің қызметтік нұсқауларын бекітуге ұсынады;

бөлімнің жұмыс жоспарларын әзірлейді, орындалуын қадағалайды;

бөлімнің жергілікті мемлекеттік органдарымен өзара жұмыс қарым-қатынасын үйлестіреді;

өз құзыреті шегінде басқарманың есептік баяндамаларын әзірлеуге қатысады.

 

  1. Қорытынды

 

  1. Осы Ережеге өзгертулер мен толықтырулар Бөлім басшысының ұсынысы бойынша, Басқарма басшысының бекітуімен енгізіледі.

 

 

 

 

 

 

 

 

«Жетісу облысының дене шынықтыру және спорт басқармасы» мемлекеттік мекемесінің Ұйымдастыру әкімшілік және қаржыландыру жоспарлау бөлімінің Ережесі
Дата публикации
25 августа 2022