2026 жылғы сәуір–маусым айлары аралығында Жетісу облысының дене шынықтыру және спорт басқармасы тарапынан спорт саласында көрсетілетін мемлекеттік қызметтер бойынша ақпараттық-түсіндіру жұмыстары жүргізілді.
Аталған кезеңде Басқармаға қарасты «Панфилов ауданының №1 балалар мен жасөспірімдер спорт мектебі» КММ, «Жетісу облысының Олимпиадалық резервтер дайындау орталығы» КММ қызметкерлерімен, сондай-ақ спорт түрлері бойынша аға жаттықтырушылар мен спорттық федерациялар басшыларымен кездесулер ұйымдастырылды.
Кездесулер барысында мемлекеттік қызметтерді көрсету тәртібі, өтініштерді қабылдау және қарау мәселелері түсіндіріліп, қатысушылар тарапынан қойылған сұрақтарға жан-жақты жауаптар берілді. Сонымен қатар, мемлекеттік қызметтерді сапалы және уақтылы көрсету талаптары бойынша түсіндіру жұмыстары жүргізілді.
Өткізілген іс-шаралар мемлекеттік қызметтерді көрсету сапасын арттыруға, азаматтардың құқықтық сауаттылығын көтеруге және қызмет алушылардың өтініштерін қарау барысында туындайтын мәселелердің алдын алуға бағытталды.