Өңірде 1 146 спорттық құрылым жұмыс істейді (оның ішінде 13 стадион, 3 спорт сарайы, 4 спорттық құрылымдар кешені, 47 спорт кешені, оның ішінде 8 дене шынықтыру-сауықтыру кешені, 2 шаңғы базасы, 7 ату тирі, 17 хоккей корты,    1 017 жазықтық құрылым, 11 теннис корты,
1 ипподром және 21 бассейн бар).

Қазір облыста «Халықтың 1 000 адамға шаққандағы спорт инфрақұрылымымен қамтамасыз етілуі» көрсеткіші 70,5%-ды құрайды, бұл көрсеткіш 2022 жылға қарағанда 19,2 пайызға өсті. Биыл бұл көрсеткішті  71,4 пайызға жеткізу жоспарлануда (2022 жылы - 51,3 %, 2023 жылы – 52,8%, 2024 жылы – 64,1%, 2025 жылы – 70,5%, 2026 жылға жоспар – 71,4%).

Ағымдағы жылы облыс аумағында 4 ірі спорт нысанының құрылысы жүргізілуде. Оларды іске асыруға жалпы 6 млрд 165,3 млн теңге қарастырылған (Оның ішінде 1 млрд 105,7 млн теңге – жергілікті бюджеттен, 3 млрд 959,6 млн теңге – «Қазақстан халқына» қоғамдық қорының қаражаты есебінен, 1 млрд 100 млн теңге – демеушілік қаражат есебінен қаржыландырылуда).

Атап айтқанда:

• Алакөл ауданы Қабанбай ауылындағы 80 орынды спорт кешені (нысанның құрылыс құны –   1 млрд 205,7 млн теңге, 2026 жылға 705,7 млн теңге қарастырылған.).
• Үштөбе қаласындағы дзюдо орталығы.
  Нысан «Харвест трейд» ЖШС-нің демеушілік қаражаты есебінен салынуда (құрылыс құны – 1,1 млрд теңге) құрылыс жұмыстары аяқталып қалды.
• Мемлекет басшысының барлық өңірлерде инклюзивті спорт орталықтарын салу жөнінде берген тапсырмасына сәйкес, «Қазақстан халқына» қоғамдық қорының қаражаты есебінен Талдықорған қаласында мүмкіндігі шектеулі тұлғаларға арналған инклюзивті спорт кешенінің құрылысы жүргізілуде (Нысанның құрылыс құны – 1 млрд 962,9 млн теңге, дайындық деңгейі – 28%).
• Аталған қордың қаражаты есебінен Қаратал ауданы Үштөбе қаласында дене шынықтыру-сауықтыру кешені салынуда. (Құрылыс құны – 1 млрд 996,8 млн теңге, дайындық деңгейі – 28%).

Жүргізіліп жатқан жұмыстардың нәтижесінде облыс тұрғындарының заманауи спорт нысандарына қолжетімділігі артады.