Сарыбел ауылдық округі әкімінің 2021 жылғы 01 сәуір № 15 қызметіндегі сыбайлас жемқорлық тәуекелдеріне ішкі талдау жүргізу туралы өкіміне сәйкес 2021 жылдың 1-ші тоқсанына арналған сыбайлас жемқорлық тәуекелдеріне ішкі талдау жүргізілді.
Сарыбел ауылдық округ әкімі аппараты өз қызметін мемлекеттік мекемесінің ережесін бекіту туралы «Панфилов ауданы әкімдігінің 2016 жылғы 5 қыркүйектегі №457 қаулысы негізінде жүзеге асырды.
Қазақстан Республикасының Мемлекеттік қызмет істері және сыбайлас жемқорлыққа қарсы іс-қимыл агенттігі Төрағасының 2016 жылғы 19 қазандағы №12 бұйрығымен бекітілген ережелеріне сай келесі бағыттар бойынша ішкі талдау жүргізілді.
Округтің сыбайлас жемқорлық тәуекелдерін ішкі талдау мынадай бағыттар бойынша жүзеге асырылады:
Панфилов ауданының «Сарыбел ауылдық округ әкімінің аппараты» ММ өз қызметін Қазақстан Республикасының заңдарына, Қазақстан Республикасының Кониституциясына және заңдарына, Қазақстан Республикасының Президенті мен үкіметінің актілеріне, өзге де нормативтік құқықтық актілерге, Сондай – ақ Панфилов ауданы әкімдігінің 2016 жылғы 15 қыркүйектегі №474 қаулысымен бекітілген 3-қосымша сәйкес жүзеге асырады.
«Сарыбел ауылдық округі әкімінің аппараты» мемлекеттік мекемесінің әкімі 2021 жылдың I тоқсан кезеңінде қабылданған нормативтік құқықтық актілердің саны – 29, оның ішінде 19 - өкім, 10- шешім. Ескерту түріндегі тәртіптік жаза алған мамандар саны 1 маман.
Округ әкімі аппаратында штаттық кестеге сәйкес мемлекеттік қызметшілердің жалпы саны 8 бірлікті құрайды. Бүгінгі күнге дейін бекітілген 8 штаттың орны толық. Округ әкім аппаратындағы мемлекеттік әкімшілік қызметшілердің саны-8 Ұлттық құрам бойынша барлық 8 мемлекеттік қызметшілер – қазақ ұлтының өкілдері. Оның ішінде - 4 ер адам, 4-әйел адам.
Қазақстан Республикасының сыбайлас жемқорлыққа қарсы іс-қимыл туралы 2015 жылғы 18 қарашадағы №410-V ҚРЗ заңының 14-бабына сәйкес қызметкерлер арасында жақын туыстық қатынастары анықталған жоқ.
Сарыбел ауылдық округінің әкім аппаратында Қазақстан Республикасының сыбайлас жемқорлыққа қарсы іс-қимыл туралы 2015 жылғы 18 қарашадағы №410-V ҚРЗ заңының 15-бабына сәйкес мүдделер қақтығысы орын алған жоқ. Мемлекеттік қызметшілерден шағым түскен жоқ.
2021 жылдың I тоқсанында округ әкімі аппаратына 2 өтініш келіп түсті. Түскен өтініштердің 2-і де жеке тұлғалардан. Оның 2-і де қанағаттандырылды.
2021 жылдың I тоқсанында округ әкімі аппаратына жалпы 7 өтініш келіп түсті. Түскен өтініштер жеке тұлғалардан. Оның 3-і жазбаша өтініш, 4-і ауызша өтініш. Келіп түскен 7 өтініште шешілді.
Қорытынды
Сарыбел ауылдық округ әкім аппаратының қызметін қозғайтын нормативтік құқықтық актілерде, ұйымдастырушылық-басқарушылық қызметіндегі сыбайлас жемқорлықтың тәуекелдеріне 2021 жылдың I тоқсанына ішкі талдау жүргізу барысында сыбайлас жемқорлық құқық бұзушылық жасауға ықпал ететін тәуекелдер анықталған жоқ. Алайда Сарыбел ауылдық округ әкімі аппаратының қызметкерлері арасында ескерту түріндегі тәртіптік жаза алған мамандар саны 1 маман.