Жетісу облысы Панфилов ауданы Атамекен ауылдық округі әкімінің аппараты

«Атамекен ауылдық округі әкімінің аппараты» мемлекеттік мекемесі округ әкімі мен әкімдігінің қызметін ұйымдастырушылық, құқықтық, ақпараттық-талдау, консультативтік, сондай-ақ ақпараттық қамтамасыз ету және мемлекеттік қызметтерді көрсету саласындағы мемлекеттік саясатты іске асырады.

Округтің аумағы 24372 га құрайды, құрамына 10819 тұрғыны бар 4 ауылдық елді мекен кіреді. Орталығы - Атамекен ауылы, 6892 адам тұрады және қалған 3 ауылда Ават ауылында - 1448 адам, Ынтымақ ауылында – 1205 адам, Қорғас ауылында – 1274 адам тұрады. Округте 1022 кәсіпкерлік субъектілері жұмыс істейді (оның ішінде ЖШС – 3, жеке шаруа қожалығы – 935, ЖК – 84). Ауыл шаруашылығы мақсатындағы жер көлемі 21750 га, оның ішінде 7165 га егістік, 14000 га жайылым, 83 га шабындық, 90 га басқа (тыңайған жерлер және т.б.). Округтегі барлық ауылдар орталықтандырылған сумен қамтамасыз етілген, электрлендірілген, электр желілерінің тозуы 91,5% құрайды. (Атамекен ауылы, Ават ауылы, Ынтымақ ауылы, Қорғас ауылы). Ауыл аудан орталығымен байланыстыратын жолдың ұзындығы 18 шақырым болса, оның 18 шақырымы асфальтталған. Округтегі барлық ауылдар кең жолақты интернетке қосылған. Атамекен ауылында және Қорғас ауылында орналасқан 2 пошта бөлімшесі бар. Округте №11 учаскелік полиция пункті жұмыс істейді.