Көксу ауданының бекітілген жоспарына сәйкес, сыбайлас жемқорлық тәуекелдеріне ай сайын әрбір бөліммен ішкі талдау жұмыстары ұйымдастырылып, ағымдағы жылдың сәуір, мамыр, маусым айларында Көксу ауданының ауылшаруашылығы мен жер қатынастары бөлімі, аудандық кәсіпкерлік бөлімі, ауданның тұрғын үй-коммуналдық шаруашылық, жолаушылар көлігі, автомобиль жолдары және тұрғын үй инспекциясы бөлімі және аудандық жұмыспен қамту және әлеуметтік бағдарламалар бөлімі мемлекеттік мекемелері қызметіндегі сыбайлас жемқорлық тәуекелдерінеішкі талдау жүргізілді. Талдау қорытындысына сәйкес, аталған бөлімдерде сыбайлас жемқорлық тәуекелдері анықталған жоқ. Сыбайлас жемқорлыққа қарсы саясатты насихаттау, сыбайлас жемқорлыққа қарсы мәдениетті қалыптастыру мақсатында аудандық «Нұрлы Көксу» газетінде мақалалар беріліп тұрады.
Талдау нәтижесінде сыбайлас жемқорлық көріністері орын алған жағдайда, олардың туындау себептері анықталып, жою бойынша арнайы іс-шара жоспары жасалынып, «Сыбайлас жемқорлыққа қарсы іс-қимыл туралы» Қазақстан Республикасы Заңдарының талаптарын түсіндіру жұмыстары бойынша тиісті шаралар қабылданады. Қазіргі уақытта аталған бағыттағы жұмыстар әрі қарай жалғастырылуда, бұл бағытта арнайы жұмыстар басты назарда, тұрақты бақылауда.