"Қазақстан Республикасындағы сайлау туралы" Қазақстан Республикасы Конституциялық заңының 113-3-бабына сәйкес 2021 жылғы 12 қыркүйекте ауылдық округтер әкімдерін сайлау өтеді.
Сайлау науқаны Көксу ауданының 2 округінде өтеді.
2021 жылғы 13 тамызда Көксу аудандық аумақтық сайлау комиссиясы 12 қыркүйекке 2 ауылдық округте сайлау тағайындады: Мұқыры ауылдық округі, Мұсабек ауылдық округі. Сайлау округтерін тағайындау, құру туралы ақпарат, сайлауды әзірлеу мен өткізу жөніндегі негізгі іс-шаралардың Күнтізбелік жоспары аудандар мен қалалар әкімдіктерінің сайттарында орналастырылған және жергілікті БАҚ-та жарияланатын болады.
Барлығы сайлауда 1аумақтық және 5учаскелік сайлау комиссиялары, 34 сайлау комиссияларының мүшелері жұмыс істейді. Сайлаушылар саны 2 мыңнан астам адамды құрайды.
14 тамыздан бастап әкімдікке кандидаттар ұсыну басталды, ұсыну құқығы саяси партияларға, азаматтарға, өзін-өзі ұсыну жолымен, сондай-ақ ұсыну мерзімі аяқталған күні екіден кем кандидат ұсынылған жағдайда, аудандар мен қалалар әкімдеріне тиесілі.
14 маусымдағы жағдай бойынша 7 кандидат ұсынылды, 1 кандидат Nur Otan партиясынан, 1 кандидат ҚХП партиясынан, 5 кандидат өзін-өзі ұсынды.
Депутаттыққа кандидаттарды ұсыну 2021 жылғы 28 тамызға дейін жалғасады.
Көксу аудандық аумақтық сайлау комиссиясы