Меню
Кәсіпкерлік және өнеркәсіп бойынша келесі жұмыстар жүргізіледі: аудан әкімі жанындағы кәсіпкерлік мәселелері жөніндегі сараптамалық кеңестердің қызметін ұйымдастырады, жеке кәсіпкерлік субъектілерінің бірлестіктеріне аккредиттеу жүргізу жөніндегі комиссияның жұмыс органының функцияларын жүзеге асырады, аудандық тұтыну нарығындағы бағаны көтеруге жедел әрекет ету штабы өткізетін барлық іс-шараларға қатысады, бірінші қажеттіліктегі азық-түлік және өнеркәсіп тауарлары бойынша баға белгілеуге мониторинг және талдау жүргізеді., көтерме жеткізушілердің азық-түлік тауарларының қоры мен жүру жолдарын қадағалайды, сондай-ақ Қазақстан Республикасы Үкіметінің барлық тұрақтандыру бағдарламаларына қатысады, тауарларды, көкөністерді сатуға қызығушылық білдірген тұлғалармен уақытша сауда нүктелері мен учаскелерін бөлу жөніндегі жұмыстарды ұйымдастырады және орындайды- аудан аумағында жалпы жер пайдалануындағы жеміс-жидек, алкогольсіз сусындар және ауыл шаруашылығы өнімдерін сатып алу, аудан тұрғындары мен қонақтарының демалуы үшін балалар және ересек ойын-сауық аттракциондарын орнату үшін қоғамдық орындарда аумақты бөлу жөнінде кәсіпкерлермен меморандум жасасады, ауданда кәсіпкерлікті қолдау және дамыту мәселелері бойынша дөңгелек үстелдер, семинарлар, форумдар, конкурстар, жәрмеңкелер, көрмелер ұйымдастырады, индустриялық-инновациялық даму шеңберінде аудан аумағында іске асырылатын инвестициялық жобаларға мониторинг жүргізеді. - ауданның аграрлық азық-түлік кешенін болжайды және оның жағдайын талдайды, көше саудасының орнын белгілейді, даму бағыты бойынша іс-шараларды жүзеге асырады және ұйымдастырады, азық-түлік қауіпсіздігін қамтамасыз ету бойынша іс-шараларды жүзеге асырады, туризмді дамыту бойынша іс-шараларды жүзеге асырады, аудан аумағында сауда қызметіне қолайлы жағдай жасау бойынша іс-шараларды дайындайды.
Мемлекеттік гранттарды мемлекет «Бизнес жол картасы-2025» бизнесті қолдау мен дамытудың мемлекеттік бағдарламасы (бұдан әрі-Бағдарлама) шеңберінде мемлекеттік гранттар беруге шағын кәсіпкерлік субъектілерінің өтінімдерін іріктеу бойынша өткізілетін конкурстардың қорытындылары бойынша Бағдарламаның өңірлік үйлестірушілері (Кәсіпкерлік және индустриялық-инновациялық даму басқармасы) арқылы береді. Қазақстан Республикасы Үкіметінің 2019 жылғы 31 желтоқсандағы № 1060 Қаулысымен бекітілген Бағдарлама шеңберінде жаңа бизнес-идеяларды іске асыру үшін мемлекеттік гранттар беру қағидаларының 20-тармағына сәйкес конкурстық іріктеуге құжаттарды толық көлемде ұсынған ісін жаңа бастаған кәсіпкерлер, жас кәсіпкерлер, әйелдер, мүгедектер және 50 жастан асқан адамдар гранттар беруге арналған конкурстық іріктеудің қатысушылары бола алады. Конкурс бюджет қаражаты болған жағдайда жылына кемінде 2 рет өткізіледі. Өтінімдерді қабылдау мерзімі мен орны конкурсты өткізу туралы хабарландыруда көрсетіледі. Бағдарламаның Өңірлік үйлестірушісі облыстың өңірлік апта сайынғы баспа басылымында бизнес-идеяларды қаржыландыруға мемлекеттік гранттар беру мақсатында кәсіпкерлерді іріктеу үшін конкурс өткізу туралы хабарландыруды жариялауды жүзеге асырады. Бір кәсіпкер үшін мемлекеттік грант сомасы 2 (екі) млн.теңгеден 5 (бес) млн. теңгеге дейін құрайды.