2024 жылғы 09 маусымда Сарыбұлақ сайлау округі бойынша Кербұлақ ауданының Сарыбұлақ ауылдық округі әкімінің сайлауы өтті.
«Қазақстан Республикасындағы сайлау туралы» Қазақстан Республикасы Конституциялық заңының 14-бабының 9) тармақшасына, 44-бабының 2-тармағына, 45-бабына, 113-10 - бабына сәйкес, Сарыбұлақ ауылдық округі әкімін сайлау нәтижелері туралы учаскелік сайлау комиссияларының хаттамалары негізінде сайлау нәтижелерін анықтады:
Сарыбұлақ сайлау округі бойынша сайлаушылар тізіміне 766 азамат енгізілді, оның 329-і, немесе 43,0% дауыс берді, жарамсыз бюллетендердің саны - 8, «бәріне қарсы» деген жолда - 5.
Әкімдікке кандидаттар саны 3 адам, оның 1-ін «АMANAT» партиясы ұсынды, 2-і өзін-өзі ұсыну тәртібімен ұсынылды.
Әр үміткерге берілген дауыстар саны:
Байболат Г.Б. – 4, Бектемиров Б.А. – 148, Болатов А.А. - 164.
Сарыбұлақ ауылдық округінің әкімі болып Болатов Әділет Әлібекұлы сайланды, 1989 жылы туған, «Кербұлақ ауданы әкімі аппараты» ММ-де әскери жұмылдыру жұмысы және аумақтық қорғаныс жөніндегі бас инспектор, Жетісу облысы, Кербұлақ ауданы, Қарағаш ауылының тұрғыны, өзін - өзі ұсыну тәртібімен ұсынылған.
Кербұлақ аудандық аумақтық сайлау комиссиясы «Қазақстан Республикасындағы сайлау туралы» Қазақстан Республикасының Конституциялық Заңының 113-11 - бабының 1 тармағына сәйкес 2024 жылғы 09 маусымда сайланған Кербұлақ ауданы Сарыбұлақ ауылдық округінің әкімін 2024 жылғы 10 маусымдағы шешімімен тіркеді.
Кербұлақ аудандық аумақтық
сайлау комиссиясы