Қаратал ауданында ішкі саясат саласындағы мемлекеттік саясатты және мемлекеттік басқарудың функцияларын жүзеге асырады. Ауданда ішкі саяси тұрақтылықты, ел бірлігін және қоғамды топтастыруды қамтамасыз ету жөніндегі мемлекеттік саясатты іске асырады. Президенттің Қазақстан халқына жыл сайынғы Жолдауларын түсіндіру мен насихаттауды қамтамасыз етеді. Аудандағы қоғамдық-саяси ахуалды болжауға бағытталған әлеуметтік және саяси зерттеулерді жүргізеді.
Қаратал ауданының аумағында Қазақстан Республикасының қолданыстағы заңнамасына сәйкес мемлекеттік театр, музыка және кітапхана, мұражай ісі, саласында ауданның мемлекеттік мәдениет ұйымдарының қызметін қолдауды және үйлестіруді жүзеге асырады.
Жергілікті маңызы бар тарих, материалдық және рухани мәдениет ескерткіштерін есепке алу, қорғау және пайдалану жөніндегі жұмысты ұйымдастырады.
Ауданның сауықтық мәдени-бұқаралық іс-шараларын, сондай-ақ әуесқой шығармашылық бірлестіктер арасында байқаулар, фестивальдер және конкурстар өткізуді жүргізеді.
Ауданда дене шынықтыру және спорттың дамуына жоспар жасап, оның іске асуын қадағалайды.
Спорт түрлері бойынша аудандық деңгейде жарыстар ұйымдастып әр спорт түрлері бойынша аудан құрама командаларын облыстық спорттық жарыстарға қатысуын қамтамасыз етеді.