С момента образования области Жетісу модернизировано 41,8% объектов образования. В этом году введены в эксплуатацию 5 новых школ, в 2 организациях образования проведён капитальный ремонт. В их числе – новый современный учебный корпус специализированного лицея-интерната «Білім-Инновация» для одарённых детей на 300 мест, открывшийся в преддверии Дня Республики. В церемонии открытия учебного заведения, расположенного в городе Талдыкоргане, приняли участие аким области Бейбит Исабаев, ветераны педагогического труда, коллектив школы, родители и учащиеся, - сообщает пресс-служба акима области Жетісу.
Выступая с поздравительной речью, глава региона отметил:
- За последние три года школьники области Жетісу завоевали 73 медали на международных олимпиадах и интеллектуальных конкурсах. Из них 27 наград, то есть 40%, принадлежат непосредственно ученикам этого лицея. Этот значимый результат – наглядное свидетельство сложившихся в лицее традиций качественного образования и профессионального труда педагогов. Сегодняшние ученики – будущая опора страны. Поэтому мы продолжим создавать необходимые условия для получения молодёжью глубоких знаний и всестороннего развития личности. В этой связи большое значение имеет инициатива Президента «Читающая нация». Чтение книг расширяет кругозор детей и повышает их стремление к знаниям, - отметил Б. Исабаев.
Торжественная церемония перерезанния ленты ознаменовала начало работы нового объекта. Затем участники мероприятия ознакомились с внутренним обустройством здания. Аким области осмотрел кабинеты географии, истории, казахского языка и робототехники. Также он ознакомился с выставкой достижений учащихся лицея, организованной в фойе, и пообщался с победителями международных предметных олимпиад.
«Президент страны поставил задачу создать все условия для воспитания образованного, читающего, стремящегося к знаниям поколения, которое владеет современными технологиями и искусственным интеллектом, обладает широким кругозором. В соответствии с этой задачей в стране, в том числе и в нашей области, реализуются масштабные проекты. Вы тоже не должны отставать от этих тенденций. Учитесь хорошо в одном из самых авторитетных лицеев республики, имеющем свою историю, добивайтесь больших успехов и вырастайте достойными гражданами», - сказал глава региона.
В этот день учащимся лицея подарили 60 сборников из списка книг, включённых в проект «Читающая нация».
По словам директора школы Айбека Аширметова, специализированный лицей-интернат «Білім-Инновация» для одарённых детей города Талдыкоргана был основан в 1993 году.
- За это время учебное заведение окончили около 1,5 тысячи выпускников. В прошлом году все 48 выпускников поступили в высшие учебные заведения. Обучение здесь ведётся на казахском, русском, английском и турецком языках. В открывшемся сегодня новом здании предусмотрено 37 учебных кабинетов, в том числе лингвистический кабинет и лаборатории. Это будет способствовать дальнейшему повышению достижений учащихся, - отметил А. Аширметов.
Всего в лицее работают свыше 100 человек, из них 37 – педагоги. Один из них – молодой специалист Мирас Медетулы:
- В этом учебном году я пришёл в это учебное заведение в качестве молодого специалиста. Преподаю биологию. В этой школе естественно-научные предметы ведутся на английском языке, поэтому и биологию я преподаю на английском. Сам я окончил лицей «Білім-инновация» в Усть-Каменогорске, затем учился в Жетысуском университете имени И. Жансугурова. Рад, что начинаю свой трудовой путь именно в этом лицее, - отметил он.
Родители также выразили радость в связи с открытием нового учебного корпуса.
- Сегодня для нас особенный день. Открылось новое здание нашего лицея «Білім-инновация». Мой сын Жайдар Ескендир в начальных классах учился в городской школе №1 имени Абая, а в 5–6-х классах – в лицее № 20. Благодаря качественным знаниям, полученным там, он поступил в эту школу в 7 классе. Сейчас он учится в 11 классе, и это очень ответственный период. Мы рады, что именно в этом году открылся новый учебный корпус. Мы осмотрели здание изнутри: оно красивое, уютное, просторное. Выражаем благодарность всем, кто внёс вклад в строительство нового корпуса, - сказала Шынар Ахмадиева.
Отметим, что в школе-лицее обучаются 266 учеников. Один из них –Адилет Бекмолда.
- Я учусь в этой школе с 7 класса. В прошлом году был президентом лицея. Активно участвую в жизни учебного заведения. Трижды становился призёром республиканских олимпиад и конкурсов научных проектов. Считаю, что сегодня начинается новый этап в истории лицея. Традиции качественного образования и воспитания, которые формировались более 30 лет, получат продолжение в новом здании. Думаю, этот корпус откроет большие возможности для младших ребят, которые будут учиться здесь после нас. В будущем я намерен использовать знания, полученные в этих стенах, на благо страны, - отметил он.
Стоит отметить, строительство нового корпуса лицея «Білім-Инновация» было начато в мае прошлого года.
Пресс-служба акима области Жетісу
Фотографы: Канат Умиралинов, Жумабай Мусабеков
Республика күні қарсаңында Жетісу облысының Талдықорған қаласында жаңа қалалық емхана ашылды. Бұл медициналық мекеме қаланың қарқынды дамып, жаңа тұрғын үйлер салынып жатқан бөлігінде тұратын халық үшін медициналық көмектің қолжетімділігін арттыруға мүмкіндік береді. Бір ауысымда 500 адам қабылдауға арналған емхана тіркелген 62 мыңға жуық тұрғынға қызмет көрсетеді. Жаңа нысанның ашылу салтанатына Жетісу облысының әкімі Бейбіт Исабаев қатысты, – деп хабарлайды Жетісу облысы әкімінің баспасөз қызметі.
Ашылу салтанатына қатысқан Бейбіт Исабаев жиналған қауымды емхананың ашылуымен құттықтады:
- Мемлекет басшысы Қасым-Жомарт Кемелұлы Тоқаев халықтың өмір сүру сапасын арттыруға, медициналық көмектің қолжетімділігі мен сапасын жақсартуға айрықша мән беріп келеді. Осы бағыттағы міндеттерді жүзеге асыру – біздің өңірлік саясатымыздың басым бағыттарының бірі. Талдықорғанда үшінші емхананың ашылуы – осындай атқарылған жүйелі жұмыстардың нақты нәтижесі. Бұрын бұл ғимарат сот органдарын орналастыру үшін салынып бастаған еді. Алайда облыстар бөлінгеннен кейін оған қажеттілік болмады. Сондықтан жобаны халықтың қажетіне қарай өзгерту туралы шешім қабылданды. Қаланың осы бөлігінде тұрғын үй құрылысының қарқынды жүруіне байланысты халық саны да артып келеді. Осыны ескеріп, үлкен әрі заманауи емхана салуды жөн көрдік. Мұндай емхана өңірде жоқ: іші де, сырты да әдемі, ауласы абаттандырылған, құрал-жабдықтары жаңа заманға сай. Жаңа емхананың ашылуымен баршаңызды құттықтаймын! Бұл маңызды әлеуметтік нысан тұрғындардың игілігі үшін табысты қызмет ете берсін, - деген Б. Исабаев мердігер ұйым басшылығы мен ұжымына құрылыс жұмыстарын сапалы әрі мерзімінде аяқтағаны үшін алғыс айтты.
Емхана заманауи медициналық құралдармен жабдықталған. Мұнда магниттік-резонанстық және компьютерлік томографтар, рентген және маммография аппараттары орнатылған. Сонымен қатар қажетті диагностикалық зерттеулер жүргізуге арналған жеке зертхана қарастырылған.
Облыс әкімінің айтуынша, өңірде медициналық көмектің сапасын арттыру үшін кадр тапшылығы мәселесін шешуге ерекше көңіл бөлінеді. Осыған байланысты облысқа медицина мамандарын тарту мақсатында біржолғы көтермеақы төлеу көзделген. Қалаға жұмысқа барған дәрігерлерге 5 млн теңге, ал ауылдық жерлерге барған мамандарға 10 млн теңге көлемінде қолдау көрсетіледі.
Қабылданып жатқан шаралардың нәтижесінде дәрігер тапшылығы екі еседен астамға қысқарды. Ал 32 медициналық учаскесі жұмыс істейтін жаңа емхананың штаттық бірліктерінің жалпы саны 445. Медициналық мекеме учаскелік қызмет, жалпы практика дәрігерлерінің қабылдауы және бейінді мамандардың консультациялары бар алғашқы медициналық-санитариялық көмек көрсетеді.
Жобада ғимарат ішінде және оған іргелес аумақта қозғалысы шектеулі азаматтардың кедергісіз кіруі мен қауіпсіз жүріп-тұруына қажетті жағдайлар қарастырылған.
Салтанатты рәсімде жаңа ғимараттың символдық лентасы қиылды. Мұнан кейін шараға қатысушылар мен қонақтар емхананың ішін аралап көрді. Облыс әкімі медициналық кабинеттердегі заманауи құрал-жабдықтардың жұмысымен және тұрғындарға көрсетілетін медициналық қызметтердің ұйымдастырылуымен танысты.
Емхана директоры Сәуле Құсмолданованың айтуынша, бұл медицина нысаны отбасылық бағытта.
- Мұнда отбасылық денсаулық орталығы жұмыс істейді. Сол сияқты Талдықорғанда алғаш рет амбулаториялық хирургия орталығы ашылады. Барлық шағын инвозиялық операциялар осы жерде жасалады. Күндізгі стационар, заманауи зертхана да бар, деді Сол.
Жаңа емхананың ашылуына қатысты медицина мамандары, сондай-ақ қала тұрғындары пікір білдірді.
- Өткен жылы жұбайым екеуміз Астанадан Талдықорғанға көшіп келдік. Көтермеақы алдық, бұл жас отбасымызға үлкен қолдау болды. Енді жаңа емханада жұмыс істейміз. Емхана заманауи медициналық жабдықтар орнатылған, сапалы диагностикадан өтуге мүмкіндік бар, барлығы жаңа. Осылайша, қаламызда заманауи медициналық орталық пайда болды, - деді жалпы тәжірибелік дәрігер Ілияс Сәби.
- Жаңа емхана туралы жалпы әсерім өте жақсы. Мұнда көптеген жаңа медициналық аппараттар бар екен. Бұл – жақсы жаңалық. Енді қаламызда сапалы медициналық көмек алудың мүмкіндігі арта түседі, - деді талдықорғандық Анастасия Селеванова.
Жергілікті тұрғын Әният Бейсембекұлы да осындай пікірде:
- Ең бастысы, мұның бәрі халықтың игілігі мен денсаулығын нығайту үшін жасалып жатыр. Өзім осы шағынауданда тұрамын. Енді дәрігердің қабылдауына бару үшін қаланың басқа бөлігіне қатынаудың қажеті болмайды. Бұл емханаға келу маған әлдеқайда ыңғайлы, оның үстіне мұнда бәрі жаңа, - деді ол.
Атап өтсек, бес қабатты жаңа емхана ғимаратының жалпы ауданы 11 562,7 шаршы метр.
Жаңа заманауи медициналық мекеменің ашылуы Жетісу облысының денсаулық сақтау жүйесін дамытудағы және өңірдің әлеуметтік инфрақұрылымын жаңғырту бағытындағы кезекті қадам деуге болды.
Жалпы, Жетісу облысы құрылғаннан бері өңірде 149 жаңа медициналық нысан салынды. Оның 59-ы «Ауылдық денсаулық сақтауды жаңғырту» ұлттық жобасы аясында бой көтерді. Сонымен қатар 15 медициналық нысанға күрделі жөндеу жүргізілді. Соңғы 4 жылда әлеуметтік сала инфрақұрылымын жаңғырту деңгейі 55,8%-ға жетті.
Жетісу облысы әкімінің баспасөз қызметі
Фотографтар: Жұмабай Мұсабеков, Қанат Өмірәлинов
Кадастрлық цифрлық сервистер жаңа координаттар жүйесіне көшеді
Жылжымайтын мүліктің бірыңғай мемлекеттік кадастры жаңа мемлекеттік координаттар жүйесі QazTRF-23-ке көшеді. Сол себепті демалыс және мереке күндері, 2026 жылғы 23 қазан сағат 19:00-ден 27 қазан сағат 00:00-ге дейін ЖМБМК мен Жария кадастрлық картасында техникалық жұмыстар жүргізіледі.
Технологиялар дамыған сайын координаттарды анықтау тәсілдері де жаңаруды қажет етеді. Бұрын координаттар спутниктік технологиялар пайда болмай тұрып жасалған әдістермен анықталса, бүгінде заманауи технологиялар бұл жұмысты дәлірек орындауға мүмкіндік береді. Жаңа координаттар жүйесіне көшу – әлемдік тәжірибе және Қазақстан да осы бағытта жұмыс жүргізіп жатыр. Осыған байланысты мемлекеттік ақпараттық жүйелердегі кеңістіктік деректер, цифрлық карталар мен сервистер жаңа координаттар жүйесіне көшіріледі.
QazTRF-23 – ескірген геодезиялық жүйелердің орнына іске қосылған заманауи әрі ашық мемлекеттік координаттар жүйесі. Оның көмегімен Қазақстан аумағындағы жер учаскесінің, ғимараттың, жолдың немесе басқа да обьектінің орналасқан жері анықталады.
Аталған күндер аралығында жер кадастрына, жылжымайтын мүлікті техникалық тексеруге және жылжымайтын мүлікке құқықтарды тіркеуге қатысты мемлекеттік қызметтерге өтініш қабылданбайтынын ескерген жөн. Бұл ретте, жылжымайтын мүлікке құқықтарды тіркеу саласындағы электрондық анықтамаларды цифрлық сервистер арқылы алу мүмкіндігі сақталады.
Алдағы өзгерістерге байланысты «Азаматтарға арналған үкімет» Мемлекеттік корпорациясы азаматтар мен ұйымдарға қажетті мемлекеттік қызметтерді алуды алдын ала жоспарлауды ұсынады. Техникалық жұмыстар аяқталғаннан кейін цифрлық сервистер әдеттегі тәртіпте жұмысын жалғастырады.
Р. Қошқарбаев атындағы орта мектептің математика пәнінің мұғалімі Скирда Татьяна Ивановнаны Жетісу облысының математика пәні мұғалімдері арасында өткен «Математикалық сфера» облыстық іріктеу олимпиадасында III орын иеленуімен шын жүректен құттықтаймыз!
👏 Бұл жетістік — ұстаздың жоғары кәсіби біліктілігінің, өз ісіне деген жауапкершілігінің және үздіксіз ізденісінің айқын көрінісі.
Татьяна Ивановнаға зор денсаулық, сарқылмас шығармашылық қуат, педагогикалық еңбегіне табыс және жаңа биік белестерді бағындыруына тілектеспіз! Алдағы уақытта да жетістіктері мен жеңістері көбейе берсін! 🌟
Республика күні қарсаңында Жетісу облысының Үштөбе қаласында «Таза Қазақстан» бағдарламасы аясында жаңарған заманауи орталық саябақ пайдалануға берілді. Бұл – биыл өңірде жөндеу жүргізіліп жатқан 7 саябақтың бірі, - деп хабарлайды Жетісу облысы әкімінің баспасөз қызметі.
Саябақтың ашылу салтанатына аудан әкімі Ұлан Досымбеков, ардагерлер, жастар өкілдері, аудан тұрғындары – жалпы саны 1,5 мың адам жиналды. Алдымен аудан әкімі көпшілікке өңір басшысы Бейбіт Исабаевтың құттықтау хатын оқып берді. «Бүгін Мемлекет басшысының елді мекендерді көркейтуге, абаттандырып, көгалдандыруға үлкен серпін беріп отырған «Таза Қазақстан» бағдарламасы аясында түбегейлі жаңарған жаңа саябақтың іске қосылуына куә болып отырсыздар. Мұнда амфитеатрдан бастап, балалар ойын алаңдарына дейінгі демалысқа қажетті барлық жағдай жасалған. Ендігі ретте ортақ игілікке қамқорлық танытып, оны күтіп ұстау – аудан тұрғындарының парызы. Бүгін қолданысқа беріліп отырған саябақ қаладағы ең көрнекті демалыс орындарының бірі болады деген сенімдемін. Жетісуымыз көркейіп, гүлдене берсін! Баршаңызға еңбекте табыс, отбасыларыңызға бақ-береке тілеймін», - делінген құттықтау хатта.
Тұрғындар атынан еңбек ардагері Рақымғали Өтегенов сөз алып, ізгі тілегін білдірді. Мұнан соң саябақтың ресми ашылғанының символы ретінде лентасы қиылды. Сондай-ақ жиналған қауым саябақ ішіне 50-ге тарта ағаш отырғызды.
Атап өтсек, Үштөбедегі орталық саябақ 1936 жылы салынған. Соңғы рет 2015 жылы жөндеуден өткен демалыс орны араға он жылдан астам уақыт салып, бүгінгі заман талаптарына сай жаңғыртылып, қайтадан халық игілігіне ұсынылып отыр. Оның жалпы аумағы - 6,6 гектар.
Абаттандырылған саябақта тұрғындар мен аудан қонақтарының бос уақытын тиімді өткізуіне, отбасымен серуендеуіне және спортпен шұғылдануына қолайлы жағдай жасалған. Мұнда спорт алаңдары, балалар ойын алаңқайлары, 200 адам сиятын амфитеатр, сәулеттік ескерткіштер мен субұрқақтар орнатылған. Сол сияқты ұлттық мәдениетіміз бен тарихымыздан хабардар ететін «Жеті қазына» алаңы бар. Жыл басынан бері саябақта 1 200 ағаш көшеті отырғызылса, соның 750-і қарағай, 450-і ақ қайың. Жасыл желекті күтіп-баптау және су ресурстарын тиімді пайдалану мақсатында тамшылатып суару жүйесі орнатылған.
Саябақтың ашылуына келген тұрғындар өз пікірлерін білдірді.
- Үштөбе қаласында 1980 жылдардан бері тұрамын. Жоғары оқу орнын бітіргеннен кейін мені осындағы «Үштөбе орман шаруашылығы» мекемесіне жолдамамен жұмысқа жіберді. Қазір зейнеткермін. Қаламыз жылдан жылға дамып келеді. Жолдар жасалып, көшелер көркейтіліп, жасыл желекке орануда. Әсіресе, осы парктің жаңа кейіпте қолданысқа берілгеніне қуаныштымыз. Бұрын бұл парк тозып тұрған, үлкен ағаштары ескіріп, қураған, демалысқа қолайлы емес еді. Бүгін орталық саябақ жаңа бет-бейнесімен халықты қуантып жатыр. Қазір жаңартылғаннан кейін паркті тіпті танымай қалдық десе де болады. Паркте бейнекамералар да қойылған. Ол мұндағы дүние-мүлікті сындырмай, тоздырмай ұстауға ықпал етеді деп ойлаймын. Әсіресе айналаға жастар жанашырлықпен қараса екен дейміз. Енді немерелерімізбен, қатарластарымызбен келіп, саябақта еркін демала аламыз, - дейді Көпбай Әкімов.
- Парктің ішінде спорт алаңдары бар. Балалардың ойын алаңдары да салынды. Бұл бізге өте жақсы болды. Енді спорттық ойындарды алаңсыз ойнауға мүмкуіндігіміз бар, - дейді оқушы Мұрат Айбын.
- Биыл Үштөбе қаласына 65 жыл толып отыр. Осы айтулы мерейтой қарсаңында Республика күніне орай қалада жаңа саябақтың ашылуы аудан орталығының тұрғындары үшін үлкен тарту болды. Жыл басында облыс әкімі саябақты жөндеп, көркейтіп береміз деп уәде берген болатын. Бүгін, міне, сол айтылған уәденің орындалғанына куә болып отырмыз. Үштөбе қаласы тұрғындарының атынан облыс басшылығына ризашылығымды білдіремін. Жерлестеріме айтарым, енді біз бұл игіліктерді балаларымызға, ұрпақтарымызға осы көрікті қалпында қалдыруымыз керек. Саябағымызды күтіп ұстайық! – деді Никита Опрышко.
Атап өтсек, облыста елді мекендерді абаттандыру және тұрғындарға қолайлы орта қалыптастыру бағытында 2022-2025 жылдары 40 саябаққа жөндеу жүргізілсе, биыл 7 парк, 1 сквер, 4 аллея жөндеуден өткізілуде. Жалпы, облыс құрылғаннан бері Талдықорған қаласында, сондай-ақ Ақсу, Алакөл, Ескелді, Қаратал, Кербұлақ, Көксу, Панфилов аудандарында 14 жаңа саябақ, 6 сквер және 4 аллея салынды.
Сондай-ақ Талдықорған қаласында «Тасбақа», Сарқанда «Қойтас», Текеліде «Серкесай» экопарктері құрылды. Төртінші экопарк ретінде Қапалдағы «Тамшыбұлақты» дамыту қолға алынбақ. Оларды құрудағы мақсат - Жетісуда экологиялық және мәдени-танымдық туризмді дамыту, сондай-ақ өңірдің табиғи және тарихи ерекшеліктерін кеңінен насихаттау.
Қазақстан Республикасы Еңбек және халықты әлеуметтік қорғау министрлігі жұмысынан айырылған азаматтарға қандай көмек көрсетілетінін және оны қалай алуға болатынын түсіндірді. Азаматтар жаңа жұмыс табуға, кәсіп үйренуге, біліктілігін арттыруға және жұмыспен қамту бағдарламаларына қатысуға мүмкіндік алады. Ал міндетті әлеуметтік сақтандыру жүйесіне қатысқан және тиісті құқығы бар азаматтарға жұмысынан айырылуына байланысты әлеуметтік төлем тағайындалады.
Көмек алудың алғашқы қадамы жұмыс іздеуші ретінде тіркелу. Ол үшін тұрғылықты жердегі Мансап орталығына баруға, eGov.kz электрондық үкімет порталы немесе Enbek.kz Электрондық еңбек биржасы арқылы өтініш беруге болады. Тіркелу кезінде азамат білімі, кәсіби дағдылары, еңбек өтілі және қандай жұмысқа орналасқысы келетіні туралы мәліметтерді көрсетеді.
Мансап орталығының мамандары азаматқа лайықты бос жұмыс орындарын табуға көмектесіп, қолжетімді қолдау шаралары туралы кеңес береді. Егер жұмыс табылмаса, белгіленген талаптарға сай азамат жұмыссыз ретінде тіркеліп, жұмыспен қамтуға бағытталған белсенді шараларға қатысу мүмкіндігі қарастырылады.
Азаматтың кәсіби білімі мен өмірлік жағдайына қарай оған жаңа мамандықты меңгеру, біліктілігін арттыру, «Жастар практикасына» қатысу және субсидияланатын жұмыс орындарына орналасу ұсынылуы мүмкін. Сонымен қатар кәсіп бастауға және жұмысқа орналасу мақсатында ерікті түрде қоныс аударуға көмектесетін бағдарламалар бар. Оларға қатысу тиісті бағдарламалардың талаптарына сәйкес жүзеге асырылады.
Жұмысынан айырылған азаматтарға көрсетілетін қолдаудың тағы бір түрі – Мемлекеттік әлеуметтік сақтандыру қорынан төленетін әлеуметтік төлем. Оны алуға құқығы бар азаматтарға жұмыс іздеу кезеңінде жоғалтқан табысының бір бөлігін өтеу үшін беріледі.
2027 жылдың 1 қаңтарынан бастап бұл төлемді алу мерзімінің ең ұзақ кезеңі алты айдан үш айға дейін қысқарады. Төлемнің қанша уақыт берілетіні азаматтың міндетті әлеуметтік сақтандыру жүйесіне қатысу өтіліне байланысты болады. Сонымен қатар төлемнің ең жоғары мөлшері белгіленеді. Ол ең төменгі жалақының жеті еселенген мөлшерінің 45%-ынан аспайды. Әр азаматқа төленетін нақты сома әлеуметтік аударымдар жүргізілген табысы мен сақтандыру жүйесіне қатысу өтіліне қарай есептеледі.
Жұмыспен қамтуға бағытталған шаралардың мақсаты азаматтардың қайтадан жұмысқа орналасуына және өз табысын табуына көмектесу. Әр адамға ұсынылатын қолдау түрі оның жағдайы мен жұмысқа орналасу мүмкіндіктеріне қарай таңдалады. Кеңес алу үшін тұрғылықты жеріңіздегі Мансап орталығына жүгініңіз. Ал бос жұмыс орындары, жұмысқа орналасу мүмкіндіктері және жұмыспен қамту саласындағы қызметтер туралы толық ақпарат Enbek.kz электрондық еңбек биржасында қолжетімді.
Дереккөз: ҚР Еңбекті және халықты әлеуметтік қорғау министрлігінің ресми сайты
Еңбек министрлігі жұмысынан айырылған азаматтарға қандай көмек көрсетілетінін түсіндірді
🎉 «Үздік STEAM идеялары» командалық жоба байқауында ГРАН-ПРИ иеленген жеңімпаз командамызды шын жүректен құттықтаймыз! 👏👏👏
🌟 Жеңіс тұғырынан көрінген ұстаздарымыз:
✨ Айгерім Қанатқызы
✨ Әлішер Асқарұлы
✨ Сабина Нурлановна
✨ Аружан Жанатқызы
✨ Амина Абдурашитовна
💐 Жарайсыздар! Бұл — бірліктің, ізденістің, шығармашылықтың және жаңашыл идеялардың жемісі!
🚀 Шығармашылық шабыттарыңыз артып, тың идеяларыңыз жүзеге асып, жеңістеріңіз еселене берсін!
🌟 Алдағы облыстық кезеңде сәттілік тілейміз! Жеңісті жолдарыңыз жалғасып, биік белестерді бағындырып, мектебіміздің мерейін үстем ете беріңіздер! 🏆👏
❤️ Мектеп мақтанышы – ел болашағы!
2026 жылғы 16 қазанда Талдықорған қаласында сынып жетекшілеріне арналған семинар-тренинг аясында Қаратал ауданы, Р. Қошқарбаев атындағы орта мектеп директорының тәрбие жұмысы жөніндегі орынбасары Қалаулинова Надира Жанатқызы өз іс-тәжірибесімен бөлісті.
«Отбасы – мектеп – қоғам: құндылықтарды қалыптастырудағы ортақ жауапкершілік» тақырыбында тәрбие үдерісіндегі серіктестіктің маңыздылығы, бала бойында ұлттық және адамгершілік құндылықтарды қалыптастырудағы отбасы мен мектептің бірлескен жұмысы туралы ой қозғады.
✨ Семинар барысында тәжірибелік жұмыс ұсынылып, қатысушылар арасында өзара пікір алмасу ұйымдастырылды.
Ортақ мақсат – саналы, жауапты, адал азамат тәрбиелеу!
Жетісу облысындағы «Алтынемел» мемлекеттік ұлттық табиғи паркінде өткен «Алтынемел – құландар мекені» туристік және мәдени-экологиялық фестиваліне мыңнан астам адам жиналды. Қатысушылар қатарында Ұлыбритания, Үндістан, Франция, Ресейден, соның ішінде Якутиядан қонақтар, сондай-ақ Астана, Алматы, Талдықорған қалалары мен Алматы облысының тұрғындары бар. Биыл фестиваль алғаш рет республикалық деңгейде ұйымдастырылды. Фестиваль аясында спорттық жүгіру жарыстары, этномәдени қойылымдар, ежелгі петроглифтерге экскурсиялар өткізіліп, құландарды табиғи мекенінде тамашалау мүмкіндігі жасалды. Бүгінде табиғи парктегі құландар саны 3500 бастан асқан, - деп хабарлайды Жетісу облысы әкімінің баспасөз қызметі.
Фестивальге облыс әкімінің орынбасары Марлен Көлбаев, ҚР Туризм және спорт министрлігінің өкілдері, travel-блогерлер, инфлюнсерлер, жалпы экологиялық туризмге қызығушылар қатысты. Ұйымдастырушылар - «Алтынемел» мемлекеттік ұлттық табиғи паркі, облыстық туризм басқармасы, «Vizit Zhetysu» туристік ақпараттық орталығы.
Ұйымдастырушылардың айтуынша, фестивальдің мақсаты – өңірдің туристік әлеуетін насихаттау.
- Бұл фестиваль – Туризм және спорт министрлігінің ірі мәдени-туристік іс-шаралар күнтізбесіне енгізілген үш шараның бірі. Оның ауқымы жыл сайын кеңейіп келеді. Негізгі мақсаты – келушілерді ұлттық парктің бірегей табиғи және тарихи-мәдени мұрасымен таныстыру, сирек кездесетін жануарларды қорғауға назар аудару және табиғатты аялаудың маңызын насихаттау. Жалпы, облыс әкімі Бейбіт Исабаевтың басшылығымен өңірде туризмді дамытуға қажетті шаралар қабылданып, туристік инфрақұрылымды жетілдіруге ерекше көңіл бөлінуде. Соның нәтижесінде Жетісу облысына жыл сайын 2 милиондай турист келеді, – деді Марлен Көлбаев.
Биыл фестиваль Шолақ тауларының бөктерінде 5 және 10 шақырымдық эко-жарыспен басталды. Жарысқа қатысушылар белсенді демалыс пен экологиялық мәдениетті ұштастыра отырып, тау ландшафтары аясында жүгірді. Жарыс жеңімпаздары арнайы медальдармен марапатталды.
Осы күні ұлттық парктегі визит орталық алаңында далалық рухтағы мәдени шаралар көрермен назарына ұсынылды. Атап айтқанда, кеушілер фестиваль сахнасынан «Қылыш айналдыру», «Айбалта шоуын» тамашалап, көшпелілердің жауынгерлік дәстүрі көпшілікке паш етілді. Сол сияқты өнерпаздар ұлттық аспаптарда өнер көрсетті.
Фестиваль қонақтары Шолақ тауларындағы ежелгі петроглифтерге экскурсияға барып, мыңдаған жыл бұрын жартастарға қашалған, Жетісудың көне тарихынан сыр шертетін суреттер мен таңбаларды көрді.
Сол сияқты визит-орталық алаңында петроглифтер мен көне түркі жазуына және дәстүрлі қолөнерге арналған шеберлік сабақтары, балаларға арналған ойындар мен квесттер өткізіліп, қолөнер бұйымдарының жәрмеңкесі ұйымдастырылды.
Сөйтіп, фестиваль табиғатпен бірге тыныстай отырып, ұлттық мәдениетті тануға, туған өлкенің тарихын сезінуге мүмкіндік беретін мәдени-танымдық алаңға айналады.
Келген қонақтар іс-шара туралы ой-пікірлерін білдірді.
- «Алтынемел» ұлттық паркіне визит-орталық ашылғанда бірінші рет келгенмін. Бүгін екінші мәрте келіп отырмын. Осы фестивальдің өтетіні туралы Инстаграм әлеуметтік желісінен көріп, күйеуім екеуіміз Алматыдан арнайы келдік. Таңертең 5 шақырымдық кросқа қатыстық. Маршрут өте қызық болды. Өзім жартасқа өрмелеумен айналысамын, сондықтан спорттық шараға қатысу аса қиындық туғызған жоқ. Бүгінгі фестивальда этникалық атмосфера бар, ежелгі тарих туралы сан қилы фантазияға берілдік, көне көшпелі халықтардың тынысын сезіндік. Сондықтан бұл сапар маған ерекше әсер етті, - дейді алматылық Дарья Никишина.
- Туристік компания өкілімін. Ұлттық паркке алғаш рет келіп отырмын. Өзіміз туристік салада жүргеннен кейін Қазақстанның табиғаты мен тарихын үйлестірген осындай көрнекті жерлерін насихаттауға атсалысайық деген ойымыз бар, оның үстіне фестивальді тамашаласақ, құландарды көрсек деп келдік. Өзім SMM маманымын, менімен бірге дронмен түсірілім жасаушы азамат бірге келді, біз бейнежазбалар түсіріп, осы парктің мүмкіндіктерін барынша кең таратсақ дейміз, - дейді Гүлдана Қаршигина.
Келушілердің ішінде шетелдік азаматтар да бар.
Қазақстанға бұл екінші рет келуім. Мені бұл елдің көркем табиғаты, ұлттық мәдениеті қызықтырады. Тұрғындарының қонақжайлығы ерекше. Әлеуметтік желідегі жазбаларым арқылы өз оқырмандарыма Қазақстанның кереметтері туралы мол мәлімет беріп отырамын, - дейді ұлыбританиялық Джорж Купер.
Ұлттық парк мамандары бір кездері саны күрт азайып, Қазақстанның Қызыл кітабына енгізілген құландардың бүгінде «Алтынемелде» арнайы бағдарлама негізінде саны көбейтіліп, ол парктің табиғи символдарының біріне айналғанын айтады.
- Бүгінгі фестивальға келушілерге құландарды табиғи ортада тамашалауға мүмкіндік жасалып отыр. Бір атап өтерлігі, 1982 жылы небәрі 32 құлан болса, биыл олардың саны 3 571 басқа жетті. Бұл – табиғатты қорғау жұмыстарының нақты нәтижесі және сирек кездесетін жануарлар популяциясын қалпына келтірудің жарқын үлгісі, – дейді «Алтынемел» мемлекеттік ұлттық табиғи паркінің директоры Қуат Байтұрбаев.
Жалпы, өңірде туризм саласын дамыту 5 дестинацияға негізделген, соның бірі – ұлттық парктер. Былтыр «Алтынемел» мемлекеттік ұлттық табиғи паркіне 32 мың адам келсе, соның 11 мыңы – шетелдіктер.
Жетісу облысы әкімінің баспасөз қызметі.
Фотограф: Бекен Нұрхан.
Оқу-ағарту министрлігінің Балалардың құқықтарын қорғау комитеті 2026-2030 жылдарға арналған «Қазақстан балалары» тұжырымдамасы аясында «Balazhan» мемлекеттік цифрлық платформасын енгізуде.
Платформаның негізгі мақсаты - ерекше назар аударуды қажет ететін балаларды ерте анықтап, оларға қажетті көмекті уақтылы ұйымдастыру.
«Balazhan» балалар мен олардың отбасылары туралы ақпарат жинауға қатысты жаңа талаптар енгізбейді. Бұған дейін педагогтер қағаз құжаттарда және әртүрлі ақпараттық жүйелерде жүргізіп келген мәліметтер енді бірыңғай цифрлық платформада жинақталады.
Бастапқы мәліметтер платформаға бір рет енгізіліп, кейін тек қажеттілігіне қарай жаңартылады. Бұл құжат айналымын азайтып, педагогтердің жұмысын жеңілдетуге және мамандар арасындағы өзара іс-қимылды жақсартуға мүмкіндік береді.
«Balazhan» Ұлттық білім беру деректер қорының модулі болып табылады. Балалардың дербес деректерінің қорғалуы заңнама талаптарына сәйкес қамтамасыз етіледі.
Жаңа жүйе қолдауды қажет ететін балаларды үздіксіз сүйемелдеуге және оларға көрсетілетін көмектің тиімділігін арттыруға бағытталған.
Дерекөз: ҚР Оқу-ағарту министрлігінің ресми сайты
«Balazhan» платформасы балаларға уақтылы қолдау көрсетуге мүмкіндік береді