2026 жылғы 09 шілде күні «Таза Қазақстан» республикалық бағдарламасы мен «Заң және тәртіп» қағидатын іске асыру аясында Ескелді ауданының Жалғызағаш ауылында ведомствоаралық мобильді топтың қатысуымен кезекті рейдтік іс-шара ұйымдастырылды.
Рейд барысында жеке тұлғалар мен шағын кәсіпкерлік субъектілеріне елді мекен аумағын таза ұстау, абаттандыру қағидаларын сақтау және қоғамдық орындарда тазалық мәдениетін қалыптастыру бағытында түсіндіру жұмыстары жүргізілді.
Өткізілген іс-шараның нәтижесінде Қазақстан Республикасының Әкімшілік құқық бұзушылық туралы кодексінің 505-бабына сәйкес 1 жеке тұлғаға және 1 шағын кәсіпкерлік субъектісіне қатысты №263336030005258 және №263336030005256 әкімшілік құқық бұзушылық туралы хаттамалар толтырылды. Аталған құқық бұзушыларға әкімшілік жауапкершілік шарасы ретінде ескерту түріндегі жаза қолданылды.