Жер сілкінісі кезінде не істеу керек?
- Жердің дірілін немесе ғимараттағы сілкіністі сезсеңіз, дереу әрекет етіңіз. Ең үлкен қауіп – құлайтын заттардан. Қауіпсіз орынға барыңыз.
- Қажет болған жағдайда шығу үшін пәтер есігін ашыңыз.
- Бөлменің ішкі бұрышына немесе есік ойығына тұрыңыз (көбіне сыртқы қабырғалар құлайды).
- Терезелер мен ауыр заттардан алыс болыңыз, үстелдің немесе кереуеттің астына тығылуға болады.
- Сабыр сақтаңыз, айқайламаңыз, жүгірмеңіз.
- Көпқабатты ғимаратта болсаңыз, сыртқа жүгірмеңіз. Сілкініс аяқталғанша күтіңіз, содан кейін «дабыл сөмкесін» алып, қауіпсіз жерге шығыңыз (лифтілер жұмыс істемейді, баспалдақтар зақымдануы мүмкін).
- Егер әлсіз бір-екі қабатты кірпіш ғимаратта болсаңыз, сыртқа шыққан дұрыс.
- Ғимараттан шығарда басыңызды қорғаңыз, құлап жатқан бөлшектерден сақ болыңыз. Терезеден секірмеңіз.
- Көшеде болсаңыз, биік ғимараттардан алыс, ашық жерге барыңыз.
- Көлікте болсаңыз, ғимараттардан, көпірлерден алыс тоқтап, сілкініс аяқталғанша көлікте болыңыз.
Қайталама сілкіністер (афтершоктар) болуы мүмкін екенін ұмытпаңыз.