Жер сілкінісіне қалай дайындалу керек?
Сейсмикалық қауіпті аймақта тұратын әрбір адам ықтимал жер сілкінісі кезінде не істеу керектігін алдын ала ойластырып, саналы түрде жоспарлауы тиіс. Барлығы алдын ала жоспарланса (үйде, жұмыста, көшеде, көлікте және т.б.), сабыр сақтап, дұрыс әрекет ету мүмкіндігі артады:
- Қауіпсіз орындарды анықтаңыз:
көшеде халықтың (отбасының) жиналу орнын;
ғимараттан шығу жолдарын (жер сілкінісі түнде болуы мүмкін, есіктер мен дәліздерде адамдар көп жиналып қалуы ықтимал, есіктер кептеліп қалуы мүмкін екенін ескеріңіз);
пәтердегі қауіпсіз орындарды (негізгі қабырғалардың ішкі бұрыштары, есік ойықтары, үстелдер, кереуеттер).
- Отбасы мүшелерін қауіпсіз орындарға дұрыс орналасуға үйретіңіз.
- Құлап кетуі мүмкін кітап сөрелері мен басқа да ауыр жиһаздарды қабырғаға бекітіңіз (ауыр заттарды шкафтар мен сөрелердің үстіне қоймаңыз).
- Кереует терезеден, айнадан және құлап немесе сынуы мүмкін ауыр заттардан алыс орналастырылуы тиіс.
- Газды, электр қуатын және суды қалай өшіру керектігін өзіңіз біліп, отбасы мүшелеріне үйретіңіз.
- «Дабыл сөмкесін» дайындаңыз (құжаттар, су, азық-түлік, дәрі қобдишасы, шам, ысқырық, гигиеналық құралдар, қосымша киім және т.б.). Алғашқы медициналық көмек қобдишасын дайындап, оны қолдану тәсілдерін меңгеріңіз (егер үнемі дәрі қабылдайтын болсаңыз, қажетті дәрілердің қорын жасаңыз).
- Үйдің жағдайын тексеріп, нығайту шараларын анықтаңыз.
- Жергілікті органдардың жер сілкінісіне дайындық шараларын қолдаңыз (оқыту, жаттығу, ескі ғимараттарды қалпына келтіру жұмыстарына қатысу).
- ТЖ қызметтерінің телефон нөмірлерін есте сақтаңыз: 112, 101; полиция – 102; жедел жәрдем – 103.
Осы ұсыныстарды сақтау жер сілкінісінің салдарын азайтуға және өзіңізге әрі өзгелерге көбірек көмек көрсетуге мүмкіндік береді.
---