Қабылданған нормативтік құқықтық актілердің тізбесі
Ескелді ауданы бойынша мемлекеттік тіркеуге қабылданған15 нормативтік құқықтық акт қабылданды. Атап айтқанда, аудандық және ауылдық округтердің 2022-2024 жылдарға арналған бюджеті бекітіліп, оған жыл бойына 4 рет өзгертулер енгізілді. Сонымен қатар, Ескелді ауданында тұрғын үй көмегін көрсетудің мөлшері мен тәртібін айқындау туралы Ескелді аудандық мәслихатының 2018 жылғы 30 қаңтардағы № 25-165 «Ескелді ауданының әлеуметтік көмек көрсетудің, оның мөлшерлерін белгілеудің және мұқтаж азаматтардың жекелеген санаттарының тізбесін айқындаудың қағидаларын бекіту туралы» шешіміне өзгерістер енгізілді, Ескелді ауданы бойынша 2022 жылға кондоминиум объектісін басқаруға және кондоминиум объектісінің ортақ мүлкін күтіп-ұстауға арналған шығыстардың ең төмен мөлшері бекітілді, Ескелді аудандық мәслихатының 2020 жылғы 27 тамыздағы № 68-387 «Ескелді ауданында бейбіт жиналыстарды ұйымдастыру және өткізу үшін арнайы орындарды, бейбіт жиналыстарды ұйымдастыру және өткізу үшін арнайы орындарды пайдалану тәртібін, олардың шекті толу нормаларын, сондай-ақ бейбіт жиналыстарды ұйымдастыру және өткізу үшін арнайы орындарды материалдық-техникалық және ұйымдастырушылық қамтамасыз етуге қойылатын талаптар мен пикеттеуді өткізуге тыйым салынған іргелес аумақтардың шекараларын айқындау туралы» шешіміне өзгерістер мен толықтырулар енгізілді.
Одан басқа да заңмен берілген өкілеттіктер шегінде шешімдер қабылданды.