Қазақстан Республикасы Мемлекеттік қызмет істері агенттігінің Жетісу облысы бойынша департаментінің (бұдан әрі – Департамент) мамандары тарапынан көрсетілетін қызметті алушылардың құқықтарының бұзылуының тағы бір фактісі анықталды. Ағымдағы жылдың бірінші тоқсандағыдай қызмет көрсетушілер тарапынан заң талаптарының ұқсас бұзылуы салдарынан Талдықорған қаласының тұрғыны заңды құқығынан айырылды.
Осылайша, Департамент мамандары Талдықорған қаласы тұрғынының жер қатынастары саласындағы мемлекеттік қызмет көрсету сапасының төмендігіне қатысты өтінішін қарау қорытындысы бойынша, Талдықорған қаласы Өтенай ауылдық округі әкімдігі мен жер қатынастары бөлімінің мамандарының өз лауазымдық міндеттеріне немқұрайлы қарауы, көрсетілетін қызметті алушыны мемлекеттік қызметті көрсетуден бас тартуға негіз болған жер комиссиясының шешімімен келіспейтіндігін уақтылы даулау мүмкіндігінен айырды.
Атап айтқанда, шағымданған мемлекеттік органдардың лауазымды тұлғалары көрсетілетін қызметті алушыны жер комиссиясы шешімінің хаттамасымен таныстырмағаны анықталды.
Бұл факт көрсетілетін қызметті алушыны құзыретті органдар қабылдаған шешімнің нәтижелері туралы өз пікірін білдіру мүмкіндігінен және одан әрі сотқа шағымдану мүмкіндігінен айырды.
Департаменттің араласуынан кейін ғана көрсетілетін қызметті алушыға жер комиссиясы хаттамасының көшірмелері ұсынылды, бұзылған құқықтар қалпына келтірілді.