2023 жылдың 1 жартыжылдығында Жетісу облысы цифрлық технологиялар басқармасының атқарылған жұмысы туралы ақпарат

        2023 жылдың 1 жартыжылдығында Жетісу облысы цифрлық технологиялар басқармасының атқарылған жұмысы туралы ақпарат

Жетісу облысының цифрлық технологиялар басқармасы Қазақстан Республикасының мемлекеттік органы болып табылады және өз қызметін Қазақстан Республикасының Конституциясына, заңдарына, Қазақстан Республикасының Президенті мен Үкіметінің актілеріне, өзге де нормативтік-құқықтық актілерге, сондай-ақ басқарма ережесіне сәйкес жүзеге асырады. Мемлекеттік органның миссиясы цифрландыру саласында тиімді мемлекеттік саясатты қалыптастыру және жүргізу, ақпараттандыру саласында ақпараттық қауіпсіздікті қамтамасыз ету, өңірдің ақпараттық-коммуникациялық инфрақұрылымын дамытуға жәрдемдесу, байланыс қызметтері нарығының тиімді жұмыс істеуі болып табылады. Басқарма өз құзыреті шеңберінде Қазақстан Республикасының Президенті Әкімшілігінің, Үкіметінің, цифрлық даму, инновациялар және аэроғарыш қызметі министрлігінің, сондай-ақ басқа да министрліктер мен ведомстволардың тапсырмаларын уақтылы және сапалы орындау жөніндегі қызметті жүзеге асырады. «Жетісу облысының цифрлық технологиялар басқармасы» ММ өз жұмысында «Ақпаратқа қол жеткізу туралы», «Ақпараттандыру туралы», «Мемлекеттік сатып алу туралы», «Әкімшілік рәсімдік-процестік кодекс», «Байланыс туралы», «Мемлекеттік қызмет туралы», «Сыбайлас жемқорлыққа қарсы іс-қимыл туралы», «Мемлекеттік жергілікті басқару және өзін-өзі басқару туралы», «Цифрлық Қазақстан» мемлекеттік бағдарламасы, «Ақылды қалалар» эталондық стандарты, «Цифрландыру, ғылым және инновациялар есебінен технологиялық серпіліс» ұлттық жобасы, ҚР Үкіметінің 2021 жылғы 12 қазандағы № 727 қаулысымен, Президенттің 2010 жылғы 19 наурыздағы №954 Жарлығымен. «Облыстардың, республикалық маңызы бар қалалардың, астананың орталық мемлекеттік және жергілікті атқарушы органдары қызметінің тиімділігін жыл сайынғы бағалау жүйесі туралы» «Ақпараттандыру саласындағы тауарларды, жұмыстарды, көрсетілетін қызметтерді мемлекеттік сатып алуға арналған шығыстарды жасау, ұсыну және есептеуді қарау жөніндегі нұсқаулықты бекіту туралы» Қазақстан Республикасы Инвестициялар және даму министрінің, Қазақстан Республикасы Ішкі істер министрлігінің, Қазақстан Республикасы Ақпарат және коммуникациялар министрлігінің, Қазақстан Республикасы Денсаулық сақтау министрлігінің, Қазақстан Республикасы Ұлттық экономика министрлігінің бірлескен бұйрығы, Қазақстан Республикасында 2019-2021 жылдарға арналған «Бірыңғай кезекші диспетчерлік қызмет – 112» құру жөніндегі «Жол картасын бекіту туралы» Қазақстан Республикасы Еңбек және халықты әлеуметтік қорғау министрлігі, Президенттің 2022 жылғы 13 сәуірдегі «Мемлекеттік аппараттың қызметін бюрократияландыру шаралары туралы» №872 Жарлығымен және Қазақстан Республикасының басқа да нормативтік-құқықтық актілерімен бекітілген Заңын басшылыққа алады. Жалпы, 2023 жылдың 6 айының қорытындысы бойынша басқарма келесі жұмыстарды жүргізді: Ағымдағы жылдың 13 мамырында жастарға қызмет көрсету орталығының ғимаратында «Jetisu Digital» аймақтық IT-hub ашылды. Адами капиталды дамытуға бағытталған өңірде IT hub ашу білікті кадрларды құру және сақтау арқылы өңірдің ғылыми-техникалық әлеуетін жинақтауға мүмкіндік береді. Бұдан басқа, IT Парктің қызметі өңірдің ғылыми, техникалық және экономикалық мәдениетін байытатын болады, бұл өз кезегінде қазіргі заманғы технологиялық салаларда зияткерлік еңбекті дамыту есебінен облыстың бәсекеге қабілеттілігін арттыруға мүмкіндік береді. Жас мамандарға жан-жақты жәрдемдесу және қажетті экожүйені құру, сондай-ақ жас кадрлар, IT компаниялар нарығын қалыптастыруға және перспективалы стартап-жобаларды, оның ішінде ғылыми-білім беру ұйымдарымен интеграциялау есебінен нарыққа шығаруға мүмкіндік береді. IT хабты іске асыру белсенді талантты адамдарға өз идеяларын нақты бизнес-жобаларға айналдыру және ақпараттық технологиялар саласындағы бәсекеге қабілетті өнімдер мен қызметтерді өндіру үшін нақты мүмкіндік алуға мүмкіндік береді. Бүгінгі таңда өңірлік хабтарды қолдау және дамыту мақсатында облыс әкімдігі Орталық Азиядағы ең ірі IT-стартаптар технопаркімен "Astana hub" (бұдан әрі – Astana hub) меморандумға қол қойды. Цифрлық даму, инновациялар және аэроғарыш өнеркәсібі министрлігінің қолдауымен Astana hub-пен бірлесіп «Samsung innovation campus» бағдарламалау мектебі және «Startup Orda» стартап инкубаторы сияқты жобалар тегін іске қосылды Яндекс карталарын өзектендіру мақсатында Талдықорған қаласы бойынша деректерді қолмен енгізу бойынша жұмыстар жүргізілді. Өзектендіру нәтижесінде келесі түзетулер енгізілді: • Ғимарат қабатында 11414 түзету бар, оның 139-ы жаңа нысандар (Геометрияларды өзгерту және объектілерді жоюды қоса алғанда) • Адрестік нүктелер қабатында 11016 түзету жасалды, оның 982-і жаңа адрестік нүктелер. (адрестік нүктелерді редакциялауды, геометрияларды өзгертуді, дәлірек айтқанда ғимараттың ортасына орнатуды және көшірмелерді жоюды қоса алғанда), • Орын қабатында 55 түзету бар, оның ішінде 2-жаңа нысандар. Қазіргі уақытта енгізілген барлық түзетулер жарияланған және халық картасының тексерілген модераторлары болып табылады. Басқарманың бастамасымен, ЦДИАӨМ тапсырмасымен Талдықорған қаласы көшелердің, табиғи және туристік объектілердің атауларын өзектендіру бойынша пилоттық өңір ретінде айқындалды. Бұл бағытта Тілдерді дамыту басқармасымен және 2гис және Яндекс карталарын әзірлеушілермен бірлесіп жұмыстар жүргізілуде. Халықты қызмет көрсету сапасы туралы мемлекетпен кері байланыс процестерін автоматтандыру, сондай-ақ мемлекеттік органдарға тиісінше қызмет көрсетпеу фактілерін анықтау бойынша құрал ұсыну мақсатында Талдықорған қаласында «Белсенді азамат» пилоттық жобасын іске қосу бойынша жұмыстар жүргізілуде. Пилоттық жобаның объектілері болып денсаулық сақтау объектілері және халыққа қызмет көрсететін мемлекеттік органдар айқындалды. Сондай-ақ, басқарма облыстың мүдделі мемлекеттік органдарымен бірлесіп «Қазақстан Ғарыш Сапары»Ұлттық компаниясы АҚ қызметтерін сатып алу арқылы цифрлық жер балансын құру бойынша жұмыс жүргізуде. Цифрлық технологиялар басқармасының басшысы А. Темірбаев
Дата публикации
12 июля 2023