Жетісу облысындағы тілдік ахуал мәселелері бойынша әлеуметтік зерттеу және мониторинг жүргізу нәтижелері

Жетісу облысындағы тілдік ахуал мәселелері бойынша әлеуметтік зерттеу және мониторинг жүргізу нәтижелері

Жетісу облысының даму жоспарында көзделген нысаналы индикатордың (мемлекеттік тілді меңгерген тұрғындардың үлесі) орындалуы бойынша 2024 жылдың маусым-қазан айлары аралығында «Ақ терек RZ» ЖШС тарапынан облыстағы тілдік ахуал мәселелері бойынша әлеуметтік зерттеу және мониторинг жүргізілді.

Сауалнамаға 18 жастан жоғары 1000 респондент (2 қала, 8 аудан тұрғындары) қатысты. Нәтижесінде мемлекеттік тілді меңгерген тұрғындардың үлесі 91% (90,9%) (68,1%-і жоғары деңгей, 22,2%-і орташа деңгей).

 

Сауалнама сұрақтары мен респонденттердің жауаптары

  1. Сіз әдетте қай тілде газет оқисыз?

Респонденттердің 21%-і қазақ тілінде,  19%-і орыс тілінде, 58%-і екі тілде, 2%-і басқа тілде деп жауап берді. 

  1. Сіз әдетте қай тілде кітаптар оқисыз?

Респонденттердің 17%-і қазақ тілінде, 35%-і орыс тілінде, 46%-і екі тілде, 2%-і басқа тілде деп жауап берді.

  1. Сіз әдетте қай тілде теледидар көресіз, радио тыңдайсыз?

Респонденттердің 24%-і қазақ тілінде, 33%-і орыс тілінде, 42%-і екі тілде, 1%-і басқа тілде деп жауап берді.

  1. Сіз әдетте отбасында, туыстарыңызбен қай тілде тілдесесіз?

Респонденттердің 39%-і қазақ тілінде, 28%-і орыс тілінде, 31%-і екі тілде, 2%-і басқа тілде деп жауап берді.

  1. Сіз әдетте жұмыста, оқу орнында қай тілде тілдесесіз?

Респонденттердің 36%-і қазақ тілінде, 35%-і орыс тілінде, 29%-і екі тілде деп жауап берді.

  1. Сіз әдетте көршілермен, дүкенде, көлікте адамдармен қай тілде тілдесесіз?

Респонденттердің 35%-і қазақ тілінде, 39%-і орыс тілінде, 26%-і екі тілде деп жауап берді.

  1. Сіз әдетте ғаламторды қай тілде қолданасыз?

Респонденттердің 16%-і қазақ тілінде, 55%-і орыс тілінде, 26%-і екі тілде, 3%-і басқа тілде деп жауап берді.

  1. Сіз балаларыңызға білімді қай тілде бергіңіз келеді?

Респонденттердің 74%-і балаларына мектепке дейінгі кезеңде қазақ тілінде, 25%-і орыс тілінде, 1%-і ағылшын тілінде білім беруді қалайды.

Респонденттердің 81%-і мектепте балаларының қазақ тілінде, 17%-і орыс тілінде, 2%-і ағылшын тілінде білім алғанын дұрыс деп санайды.

Респонденттердің 68%-і арнайы кәсіптік оқыту кезеңінде балалардың қазақ тілінде, 30%-і орыс тілінде, 2%-і ағылшын тілінде білім алғанын қалайды.

Респонденттердің 71%-і жоғары білім беру кезеңінде балаларының қазақ тілінде оқығанын қаласа, 27%-і орыс тілінде, 2%-і ағылшын тілінде білім алғанын қалайды.