Маунтинбайктан Азия чемпионы өзі сенім білдірген партия мен кадидаттарын таңдады

Жетісу спортшылары саулау науқанына белсене қатысуда. Солардың арасында маунтинбайктан Азия чемпионы Алина Сарқұлова да бар. Ол Сарқан ауданындағы №349 сайлау учаскесінде дауыс берді, -  деп хабарлайды Жетісу облысы әкімінің баспасөз қызметі.

Алина Сарқұлова – Түркияда маунтинбайктан өткен жарыста екі бірдей алтын медаль қазақстандық алғашқы спортшы.

«Еліміз одан әрі дамып-өркендей түссе екен деймін. Сондықтан да еліміздің болашағына бейжай қарамайды, мемлекеттің қуатын нықтай түсуге бар күш-жігерін жұмсайды деп өзім сенген азаматтарға қолдау білдіруге келдім. Өз таңдауымды жасадым, жастарды да азаматтық белсенділік танытуға шақырамын», - деді чемпион.

Талдықорғандық спортшылар да бүгін белсенді. Мәселен, шинкиокушинкай каратэден ҚР халықаралық дәрежедегі спорт шебері, Талдықорған орталық бассейнінің директоры Мерей Сүйінов № 420 сайлау учаскесіне келді.

Сол сияқты №398 сайлау учаскесінде Талдықорған қалалық қазақша күрес федерациясының президенті, белгілі жаттықтырушы Ерлан Иманғалиев та таңдау жасады.

Осы күні Талдықорғандағы №386 сайлау учаскесінде джиу-джитсудан Азия чемпионы Самат Сәрсенұлы дауыс берді.

Атап өтсек, Орталық сайлау комиссиясының дерегіне сәйкес, 2023 жылғы 19 наурызда сағат 16.10-дағы жағдай бойынша еліміздегі тізімдерге енгізілген азаматтардың жалпы санының 51,98 % бюллетень алса, соның ішінде Жетісу облысының көрсеткіші – 54,82%.

 

Жетісу облысы әкімінің баспасөз қызметі.