Мемлекеттік әлеуметтік тапсырысты іске асыру шеңберінде Жетісу облысының ҮЕҰ консалтингтік орталығы "Жетісу облысының Қоғамдық даму басқармасы" ММ (бұдан әрі - Орталық) қолдауымен "Жаңа бастамалар-жаңа мүмкіндіктер" Әлеуметтік идеялар мен жобалар жәрмеңкесінің конкурсын ұйымдастырды.
Конкурстың мақсаты - ҮЕҰ әлеуетін өзекті әлеуметтік және қоғамдық маңызы бар міндеттерді шешуге тарту, азаматтық бастамаларды қолдау болып табылады. Конкурс екі кезеңде өткізілді: I кезең – белгіленген талаптарға сәйкестігі тұрғысынан конкурстық өтінімдерді және конкурстық құжаттаманы қабылдау, бастапқы іріктеу; консультациялар өткізу, оның ішінде онлайн, II кезең-жобаларды бағалау, ҮЕҰ-ның ТОР-10 жобасын іріктеу.
19 мамырда құрамның кемінде 2/3 кворумы болған кезде ашық көпшілік дауыспен конкурстық комиссияның отырысы өтті. Комиссияның шешімдері түпкілікті болып табылады және қайта қарауға жатпайды.