Алакөл аудандық пробация қызметі бөлімінің есебінде 128 адам тіркеуде тұр. Солардың 26 адамы көпшілік мәдени орындарды тазалауға жұмылдырылған. Олар билік өкілін қорлағандар, аз мөлшерде есірткі сақтағаны, көпшілік орындарда ішімдік ішкені немесе ұсақ бұзақылық жасағаны үшін істі болғандар.
Соттың шешімімен қоғамдық жұмыс түріндегі жазаға тартылған адамдардың негізгі жұмысы, жеке кәсібі болса немесе оқу орындарында оқып жатса тәулігіне 4 сағат қоғамдық жұмыс істейді. Ал егер олардың қолдары бос болып, тұрақты жұмысы болмаса тәулігіне 8 сағатқа дейін қоғамдық жұмысқа жегілуі мүмкін.
Бұл адамдардың жұмысы тегін. Олар негізінен тағайындалатын жұмыстар-көше тазалау және безендіру. Сондай-ақ жазда қоқыс жинауға, қыста қар тазалауға да тартылады. Дегенмен, бас бостандығын шектеудің баламасы ретінде енгізілген мұндай жазаға мойынсұнбайтындар да кездеседі. Тәртіп бұзғаны үшін осындай жаза кесілген адамдар көше тазалаудан бас тартқаны үшін қамауға алынады.
Ауданымызда 26 қоғамдық жұмыс түріндегі жазаға тартылған адамдар істеген ісін мойнымен көтеріп, арланбай қоғам үшін пайдалы жұмыстарын толық көлемде орындады.
Алакөл аудандақ ПҚБ-нің
инспекторы әділет аға лейтенанты
Ә.Ғ. Сүлейменова