Алакөл ауданы әкімі аппаратының заңгерлік мемлекеттік-құқықтық бөлімі Қазақстан Республикасының "шетелдіктердің құқықтық жағдайы туралы" Заңының 14 бабына сәйкес, шетелдіктер Қазақстан Республикасының азаматтарымен ҚР аумағында неке қиюы және некені бұзуы мүмкін екендігін хабарлайды. Сондай-ақ, Қазақстан Республикасының халықаралық шарттарына сәйкес олардың Қазақстан Республикасының азаматтарымен тең дәрежеде Неке және отбасы қатынастарында құқықтары бар және міндеттері болады. Қазақстан азаматы мен шетелдік арасындағы некені тіркеу тіркеуші органда (АХАТ) не некеге тұрғысы келетін адам азаматы болып табылатын шет мемлекеттің дипломатиялық өкілдігінде, консулдық мекемесінде Жалпы ереже бойынша жүргізіледі.
Шетелдік азаматтардың қазақстандық балаларды асырап алу рәсімі мен тәртібі "Неке және отбасы туралы"ҚР Заңында белгіленген жалпы бала асырап алуға бағынады. Бірақ сонымен бірге шетелдік азаматтардың бала асырап алу рәсімінің өзіндік ерекшеліктері бар, олар бала асырап алуға қатысты шетелдік элементтің болуымен түсіндіріледі.
Шетелдік асырап алу ата-анасының қамқорлығынсыз қалған баланы отбасына орналастыру процесі ретінде олардың бірнеше сатысынан тұрады. Олар: бала асырап алуға үміткерлерді іріктеу, бекіту, дайындау; сот процесі; шетелдік бала асырап алу процесінің аяқталуы (туу туралы куәлікті тіркеу, асырап алынған баланың бала асырап алушылардың отбасына бейімделуін бақылау).