Аудандық ішкі саясат бөлімінің мемлекеттік-әлеуметтік тапсырысы негізінде Елбасы Н. Назарбаевтың "Рухани жаңғыру: Болашаққа бағдар" бағдарламасы мен "Ұлы даланың жеті қыры" мақаласы аясында "Өз өлкесін тану - рухани жаңғырудың даңғылы" атты онлайн кездесу өткізілді.
Аудандық ішкі саясат бөлімінің басшысы М. Сүлейменовтың төрағалығымен өткен семинарға бөлім қызметкерлері, "Ляйсан татар-мәдени орталығы" ҚБ өкілдері мен Лепсі ауылының тұрғындары қатысты.
ZOOM мобильды қосымшасы арқылы өткізілген онлайн кезде суде "Рухани жаңғыру - халықтың дамуының табысы" тақырыбында.
"Ляйсан татар-мәдени орталығы" ҚБ жетекшісі И.Абдухаликова, Лепсі өлкетану мұражайының директоры Г.Мереева, Ляйсан татар-мәдени орталығының өкілі Ф.Аитова, Лепсі орта мектебінің тарих пәнінің мұғалімі, мұражайдың ғылыми қызметкері М.Хайбуллин баяндама оқып, туған өлке төсіндегі тылсым табиғат пен тамыры терең тарихты, шаруашылық пен саясатты, мәдениет пен тұрғындардың тіршілік ету әрекетін қосып, адамға ауқымды білім мен тәрбие беретін өлкетану, мәселе ретінде өзінің өзектілігін жойған емес. Бұл ретте, біздер де бай өлкенің кешегі көрінісі мен бүгінгі бейнесін жастарға насихаттау қажет екендігін жеткізді.
Қорыта айтқанда, туған өлкенің, жергілікті жердің тіпті, аймақтың өз ерекшеліктерін, табиғатын, тарихын, халқы мен тұрмысын сипаттайтын факторларды зерттеп, оны жас ұрпақ тәрбиесінде пайдалану өзінің маңыздылығын ешқашан жоймақ емес. Өлкетану жұмыстары тұлғаның дүниеге деген дұрыс көзқарасын қалыптыру мен сенімін нығайтуға негіз болады, - деп сөзін қорытындылады модератор.