ҚАУЛЫСЫ ПОСТАНОВЛЕНИЕ
_2020 жылғы 15 тамыз_ № _48_____
Нұр-Сұлтан қаласы город Нур-Султан
Карантиндік шектеу шаралары және
оларды кезең-кезеңімен жеңілдету туралы
«Пайда болу және таралу қаупі төнген кезде шектеу іс-шаралары, оның ішінде карантин енгізілетін инфекциялық аурулар тізбесін бекіту туралы» Қазақстан Республикасының Ұлттық экономика министрінің 2015 жылғы 25 ақпандағы № 130 бұйрығына және «Қазақстан Республикасының аумағында шектеу іс-шараларын, оның ішінде карантинді жүзеге асыру қағидаларын бекіту туралы» Қазақстан Республикасының Ұлттық экономика министрінің 2015 жылғы 20 наурыздағы № 239 бұйрығына сәйкес Қазақстан Республикасының халқы арасында COVID-19 коронавирустық инфекциясының (бұдан әрі – COVID-19) таралуының алдын алу мақсатында ҚАУЛЫ ЕТЕМІН:
1) қала маңындағы жолаушылар поездарының (электр поездарының) қозғалысын тоқтата тұруды;
2) жұмыс поездарын қоспағанда, жолаушылар поездарының құрамында жалпы вагондарды жасақтауды болдырмауды қамтмасыз етсін.
1) қалааралық автобус, шағын автобус тасымалдарын тоқтата тұруды;
2) көрермендер қатысатын, спорттық іс-шараларды, көрмелерді, форумдарды, конференцияларды, сондай-ақ отбасылық, салтанатты, естелік іс-шараларды (банкеттер, үйлену тойлары, мерейтойлар, еске алу), оның ішінде үйде өкізілетін және адамдар көп жиналатын өзге де іс-шараларды өткізуге тыйым салуды;
3) ойын-сауық мекемелерінің (караоке, бильярд, компьютерлік клубтар, түнгі клубтар, боулинг орталықтары, аттракциондар, балалар ойын алаңдары, батуттар және басқалар), кинотеатрлардың, букмекерлік кеңселердің қызметіне тыйым салуды;
4) барлық мәдениет объектілерінің (театрлар, концерт залдары, мұражайлар, көрмелер және т. б.) қызметіне тыйым салуды;