Алакөл ауданы бойынша дауыс беруді өткізу және дауыс санау үшін сайлау учаскелерін құру туралы

«Қазақстан Республикасындағы сайлау туралы» 1995 жылғы 28 қыркүйектегі Қазақстан Республикасының Конституциялық Заңының 23-бабының 1-тармағына, «Қазақстан Республикасындағы жергілікті мемлекеттік басқару және өзін-өзі басқару туралы» 2001 жылғы 23 қаңтардағы Қазақстан Республикасының Заңының 33-бабының 2-тармағына сәйкес, аудан әкімі ШЕШІМ ҚАБЫЛДАДЫ:

Алакөл ауданы бойынша дауыс беруді өткізу және дауыс санау үшін аумақтық сайлау комиссиясымен келісілген сайлау учаскелері осы шешімнің қосымшасына сәйкес құрылсын.
Алакөл ауданы әкімінің мынадай шешімдерінің күші жойылды деп танылсын:

1) «Алакөл ауданы бойынша дауыс беруді өткізу және дауыс санау үшін сайлау учаскелерін құру туралы» 2020 жылғы 1 маусымдағы № 18 (Нормативтік құқықтық актілерді мемлекеттік тіркеу тізілімінде № 5534 тіркелген, 2020 жылдың 5 маусымда Қазақстан Республикасы нормативтік құқықтық актілерінің эталондық бақылау банкінде жарияланған).

2) Алакөл ауданы әкімінің 2020 жылғы 01 маусымдағы «Алакөл ауданы бойынша дауыс беруді өткізу және дауыс санау үшін сайлау учаскелерін құру туралы» № 18 шешіміне өзгерістер мен толықтырулар енгізу туралы 2020 жылғы 18 тамыздағы № 189 (Нормативтік құқықтық актілерді мемлекеттік тіркеу тізілімінде № 5616 тіркелген, 2020 жылдың 24 тамызда Қазақстан Республикасы нормативтік құқықтық актілерінің эталондық бақылау банкінде жарияланған).

Осы шешімнің орындалуын бақылау аудан әкімінің орынбасары Д. О. Қанағатовқа жүктелсін.
Осы шешім әділет органдарында мемлекеттік тіркелген күннен бастап күшіне енеді және алғашқы ресми жарияланған күнінен кейін күнтізбелік он күн өткен соң қолданысқа енгізіледі.

Әкім

А. Абдинов

«КЕЛІСІЛДІ»

Алакөл аудандық аумақтық

сайлау комиссиясының төрағасы С.Бекболатов

«____»____________2021 жыл

Дата публикации

17 мая 2021