Қазақстан Республикасының «Сыбайлас жемқорлыққа қарсы іс-қимыл туралы» Заңының 8-бабының 5 тармағына, Қазақстан Республикасының Мемлекеттік қызмет істері және сыбайлас жемқорлыққа
қарсы іс-қимыл агенттігі Төрағасының 2016 жылғы 19 қазандағы № 12 бұйрығымен бекітілген Сыбайлас жемқорлық тәуекелдеріне ішкі талдау жүргізудің үлгілік қағидаларына сәйкесБҰЙЫРАМЫН:
- «Алакөл аудандық дене шынықтыру және спорт бөлімі» ММ-сі бойынша сыбайлас жемқорлық тәуекелдеріне ішкі талдауды ұйымдастыруға жауапты тұлға ретінде жетекші маман Кайдаров Нұрлан Елтаевич бекітілсін.
- 2021 жылдың 12-16сәуір аралығында «Алакөл аудандық дене шынықтыру және спорт бөлімі» ММ қызметіндегі сыбайлас жемқорлық тәуекелдеріне ішкі талдау жүргізілсін.
- Осы бұйрықтың қосымшасына сәйкес сыбайлас жемқорлық тәуекелдеріне ішкі талдау жүргізу жөніндегі жұмыс тобының құрамы бекітілсін.
- Сыбайлас жемқорлық тәуекелдерін ішкі талдау келесі бағыттар бойынша жүзеге асырылсын:
1) бөлімнің қызметін қозғайтын нормативтік құқықтық актілерде сыбайлас жемқорлық тәуекелдерін анықтау;
2) бөлімнің ұйымдастырушылық-басқарушылық қызметіндегі сыбайлас жемқорлық тәуекелдерін анықтау.
- Сыбайлас жемқорлық тәуекелдеріне ішкі талдау жүргізудің жалпы кезеңі 2021 жылдыңIтоқсаны болып белгіленсін.
- Алакөл аудандық дене шынықтыру және спорт бөлімінің басшысы ішкі талдау аяқталған күні талдамалық анықтамамен таныстырылсын.
- Алакөл аудандық дене шынықтыру және спорт бөлімінің басшысының 2021 жылғы 15 қаңтардағы №4 бұйрығының күші жойылсын.
- Осы бұйрықтың орындалуын бақылау бөлімнің жетекші маманы Н.Кайдаровқа жүктелсін.
Бөлім басшысы А.Садиев