ҚР Тұңғыш Президенті – Елбасы Н.Ә.Назарбаевтың Жарлығымен бекітілген Қазақстанда Отбасы күнін мерекелеу шеңберінде 2020 жылғы 14 – 21 қыркүйек күндері аралығында «Отбасы – бақыт мекені» республикалық апталықтың аясында аудан көлеміндегі білім беру ұйымдарында қашықтықтан іс – шаралар ұйымдастырылуда.
Апталықтың мақсаты – қоғамда отбасылық құндылықтарды насихаттау, отбасы мен балалар мүддесіне мемлекеттік саясатын жүзеге асыру бойынша мемлекеттік құрылымдардың, қоғамдық, үкіметтік емес ұйымдардың, бизнес – топтардың, БАҚ-тың күштерін біріктіру.
Апталықтың шеңберінде: онлайн режимінде конференциялар, кездесулер, отбасылық құндылықтарды насихаттауға бағытталған балалар арасында акциялар, отбасылық мерекелер, әдеби – поэтикалық кештер, шоу – бағдарламалар және би кештері, спорттық отбасылық эстафеталар, отбасылық шығармашылық фестивалдер өткізілуде.
Сонымен бірге, білім беру ұйымдарындағы оқушылар арасында негізгі идеологияларды тарату бойынша «Отбасы – өмірдің мәні», «Берік отбасы – адамның сенімді тірегі», «Әрбір отбасы мемлекеттің қорғауында», «Ата-ананы құрметтеу – әрбір адамның қасиетті борышы», «Отбасын сақтау мен нығайтуға жұмсалған күш, құр бекер кетпейді», «Құрмет – берік отбасының негізі», «Балалар алдындағы жауапкершілік – өз алдыңдағы жауапкершілік», «Отбасылық дәстүрлерді сақтау мен жастарға үйрету – аға буынның қасиетті борышы», тақырыптарында кең ауқымды түсіндіру жұмыстары жүргізілуде. Бұл идеологиялардың өзектілігі адамгершілік құндылықтарды және отбасы мен неке кейпін тарату, қазақстандық қоғамда отбасы мәртебесін арттыру болып табылады.