Мемлекеттік корпорация AI & Digital Bridge 2026 форумында 1414 Бірыңғай байланыс орталығының AI-шешімдерін таныстырды
«Азаматтарға арналған үкімет» мемлекеттік корпорациясы AI & Digital Bridge 2026 халықаралық форумында 1414 Бірыңғай байланыс орталығының жасанды интеллект негізінде әзірленген жаңа шешімдерін көпшілік назарына ұсынды.
Солардың бірі - «AI Senim» атты дауыстық AI-ассистенті. Ол азаматтарға 100-ден астам мемлекеттік қызмет бойынша кеңес беріп, қажетті ақпаратты жедел ұсынады. Бүгінде «AI Senim» ай сайын орта есеппен 25–30 мың өтінішті өңдейді. Оның 40%-ына AI-ассистенттің өзі жауап берсе, қалған 60%-ы егжей-тегжейлі кеңес алу үшін операторларға жолданады.
«Мемлекеттік қызмет көрсету үдерісі заман талабына сай үздіксіз жетілдіріліп, халық үшін барынша қолайлы болып келеді. Бұдан әрі де осы бағыттағы жұмысты жалғастырып, азаматтарға қызмет көрсету сапасын арттыру үшін инновациялық шешімдерді енгізуді көздеп отырмыз. Атқарылып жатқан шаралар мемлекеттік қызметтерді алу кезінде барынша қолжетімділік пен жайлылықты қамтамасыз етуге зор үлес қосатынына сенімдімін», - дейді «Азаматтарға арналған үкімет» Мемлекеттік корпорациясының Басқарма төрағасы Арман Кенжеғалиев.
Қазіргі таңда 1414 желісіне келіп түсетін әрбір 20-шы қоңырау AI-ассистенттің қатысуымен өңделеді. Алдағы кезеңде оның ауқымын кеңейтіп, барлық қоңырауды алдымен «AI Senim» қабылдайтындай жүйеге көшіру көзделіп отыр.
AI-ассистент азаматтың сөзін танып, сұрағының мәнін анықтайды және тиісті ақпаратты ұсынады. Қазір оның функционалын кеңейту, соның ішінде динамикалық қызметтерді іске қосу бойынша жұмыс жүргізілуде. Болашақта азаматтар тек кеңес алып қана қоймай, дауыстық ассистентпен сөйлесу барысында кейбір мемлекеттік қызметтерді бірден рәсімдей алады.
Форум барысында AI-ассистенттің жұмысын бақылауға арналған арнайы платформа да таныстырылды. Оның көмегімен нақты уақыт режимінде келіп түскен сұраныстардың саны, сөйлесу ұзақтығы және өзге де көрсеткіштер қадағаланады.
Сонымен қатар мамандар қоңырау жазбасын тыңдап, диалогтың толық мәтінін және AI-ассистент өңдеген сауалдың нәтижесін көре алады. Жаңа платформа арқылы азаматтардың сөйлесу барысындағы көңіл күйі мен тоналдылығын талдауға да мүмкіндік бар.
Ұрпаққа ұлағат, қарттарға құрмет!
Қазан айының алғашқы күндері елімізде қос бірдей айтулы мереке — Халықаралық қарттар күні мен Ұстаздар күні қатар тойланады. Осыған орай, Ойтоған ауылдық округінде мекеме қызметкерлерінің ұйымдастыруымен зор тағылымды мерекелік іс-шара өтті.
Бұл салтанатты кеш ауылдың өсіп-өркендеуіне, жас ұрпақтың тәрбиесіне өмірлік үлесін қосқан ардагерлерге шексіз алғыс білдіру мақсатында ұйымдастырылды. Мерекелік шараға ауылымыздың еңселі 85 зейнеткер қариясы мен 28 ардақты ұстазы қатысты.
Кеш барысында ауыл өнерпаздары мен мекеме қызметкерлері дайындаған ерекше концерттік бағдарлама көрерменге жол тартты. Сахна төрінде күмбірлеген күй тартылып, ана туралы, туған жер туралы әдемі әндер шырқалып, ақ жаулықты аналарымыз бен ақсақалды әкелерімізге көтеріңкі көңіл-күй сыйлады.
Шара соңында арнайы шақырылған барлық қадірменді қонақтарға ықылас гүлдері мен бағалы сый-сияпаттар табыс етілді. Өз кезегінде ауыл қариялары мен ұлағатты ұстаздар қауымы көрсетілген ерекше ілтипатқа, жылы лебіздер мен ұйымдастырылған тамаша кешке дән риза болып, ұйымдастырушыларға ақ баталарын берді.
Қариясы бар жұрттың — қазынасы бар. Ауылдың ұйытқысы болып отырған ардақты үлкендеріміз бен аяулы ұстаздарымыз аман болсын!
Азаматтарға арналған үкімет» мемлекеттік корпорациясы КЕАҚ
Қазақстанда жыл басынан бері 74 мыңнан астам жұп шаңырақ көтерді
Қазақстанда жыл сайын қыркүйек айының екінші жексенбісінде отбасы құндылықтарын дәріптеп, жанұядағы өзара түсіністік пен қолдаудың маңызын айқындайтын Отбасы күні атап өтіледі. Осы айтулы мереке қарсаңында «Азаматтарға арналған үкімет» мемлекеттік корпорациясы еліміздегі неке қию көрсеткіштеріне қатысты статистиканы ұсынады.
2026 жылдың қаңтар-тамыз айларында Қазақстанда 74 648 неке ресми түрде тіркелді. Оның жартысынан астамы жаз айларына тиесілі. Неке қиюға деген белсенділік жаз мезгілінде артып, дәл осы кезеңде көптеген жұп отбасын құру туралы шешімін ресми түрде бекіткен.
«АХАТ функциялары 2023 жылғы 1 шілдеден бастап Мемлекеттік корпорацияға берілді. Содан бері біздің қызметкерлер шамамен 400 мың неке тіркеп, 1 миллионнан астам туу туралы куәлік берді. Әрбір көрсетілген қызметтің артында азаматтардың өміріндегі маңызды оқиғалар тұр. Сондықтан біз қызмет көрсету үдерістерін жетілдіруге, цифрлық сервистерді дамытуға, мемлекеттік қызметтерді азаматтар үшін барынша ыңғайлы, қолжетімді және сапалы етуге басымдық беріп келеміз»,- деді «Азаматтарға арналған үкімет» мемлекеттік корпорациясы КЕАҚ Басқарма төрағасы Арман Кенжеғалиев.
Еліміздің барлық өңірінде шаңырақ көтеріп, жаңа отбасы құруға деген ұмтылыс жоғары. Дегенмен, неке қию көрсеткіші бойынша ірі қалалар мен халық тығыз орналасқан өңірлер алдыңғы қатарда. Ең жоғары көрсеткіш Алматы қаласында тіркеліп, мұнда 12 344 неке қиылған. Екінші орында Астана қаласы тұр, онда 9 074 жұп өз қарым-қатынасын ресми түрде рәсімдеген. Ал үшінші орында 5 611 неке қиылған Түркістан облысы тұр.
Биыл маусым айы неке қию көрсеткіші бойынша көш бастады. Осы кезеңде 15 мыңнан астам жұп өз қарым-қатынасын ресми түрде рәсімдеді. Тамыз айында 11 761 жұп шаңырақ көтерсе, шілдеде бұл көрсеткіш 11 674-ті құрады. Жалпы, жаз айларында елімізде 38 мыңнан астам жұп отбасын құрды. Бұл 2026 жылдың сегіз айында қиылған некелердің жалпы санының жартысынан астамын құрайды.
Неке тіркеу – азаматтық хал актілерін мемлекеттік тіркеу саласында көрсетілетін мемлекеттік қызметтердің бірі. Неке тіркеуге өтінішті тіркеуші органға тікелей жүгіну арқылы, электронды үкімет порталы арқылы онлайн форматта, сондай-ақ екінші деңгейдегі банктердің мобильді қосымшалары арқылы беруге болады.
🔎Мемлекеттік қызметтердің бірқатарын ХҚКО-ға бармай-ақ, үйден алуға болады. «Дербес менеджердің үйге баруы» сервисі арқылы маманды өзіңізге ыңғайлы мекенжайға шақырып, қажетті қызметтерді үйден шықпай-ақ алуға мүмкіндік бар.
✅Дербес менеджер қызметті рәсімдеуге көмектесіп, кеңес береді және қажетті құжаттарды қабылдайды.Дербес менеджердің үйге бару қызметі 7 447 теңгені құрайды. Ал көрсетілетін мемлекеттік қызмет үшін мемлекеттік баж көзделген жағдайда, ол бөлек төленеді.
📌Алайда үй жағдайында паспорт пен жеке куәлікті рәсімдеу, сондай-ақ мамандандырылған ХҚКО қызметтерін алу мүмкін емес. Бұл қызметтер азаматтың жеке қатысуын талап етеді.
📲Маманды үйге шақыруға «ЦОН» мобильді қосымшасы, Мемлекеттік корпорацияның ресми сайты немесе 1414 нөмірі арқылы өтінім беруге болады. Қызмет алушыға өтінім қалдырып, мекенжайын көрсету жеткілікті – маман көрсетілген мекенжайға өзі барады.
1 ҚЫРКҮЙЕК – БІЛІМ КҮНІ ҚҰТТЫ БОЛСЫН!
Құрметті ұстаздар, оқушылар және ата-аналар!
Баршаңызды жаңа оқу жылының басталуымен шын жүректен құттықтаймын!
Жаңа оқу жылы білім мен ізденіске, жетістіктер мен жарқын жаңалықтарға толы болсын! Оқушыларымызға сәттілік, ұстаздарға шығармашылық табыс тілеймін!
Құрметпен,
Ойтоған ауылдық округінің әкімі
Е.Қалқаман
Азаматтарға арналған үкімет» мемлекеттік корпорациясы КЕАҚ
Мемлекеттік корпорация ауыл тұрғындарының цифрлық сауаттылығын арттыруда
2026 жылдың басынан «Азаматтарға арналған үкімет» мемлекеттік корпорациясы еліміздің ауылдық елді мекендер тұрғындарына мемлекеттік қызметтерді алу және цифрлық сервистерді пайдалану бойынша оқыту жұмыстарын жүргізді. Бір жарым ай ішінде еліміздің түрлі өңірлерінен 18 мыңнан астам азамат оқудан өтті.
Қазақстан Республикасында жарияланған Цифрландыру және жасанды интеллект жылы аясында жүзеге асырылып жатқан бұл бастама халықтың цифрлық сауаттылығын арттыруға, мемлекеттік қызметтердің қолжетімділігін кеңейтуге және оларды онлайн форматта өз бетінше алу дағдыларын қалыптастыруға бағытталған. Өңірлер арасында Қостанай, Солтүстік Қазақстан, Жамбыл және Алматы облыстарында оқытылған азаматтар саны басым.
Оқу сабақтарын «Азаматтарға арналған үкімет» мемлекеттік корпорациясының мамандары еліміздің әр өңіріндегі ауылдық округтер мен елді мекендерде өткізді.
Сонымен қатар, жыл басынан бері «Таным» корпоративтік оқу орталығының қатысуымен облыс орталықтарында 5 мыңға жуық азамат оқытудан өтті. Сабақ барысында азаматтар мемлекеттік қызметтерді онлайн режимде алу тәртібін, сондай-ақ мемлекеттік цифрлық инфрақұрылымның негізгі құралдары мен мүмкіндіктерін меңгерді.
Еске сала кетейік, электрондық мемлекеттік қызметтерді және заманауи онлайн-сервистерді пайдалануды тегін үйренгісі келетін азаматтар үшін еліміздің әр облыс орталығында оқу сыныптары жұмыс істейді. Сабақтар сәрсенбі және жұма күндері сағат 10:00-ден 12:00-ге дейін өткізіледі.
Бүгінде Қазақстан электрондық үкіметті дамыту бойынша БҰҰ рейтингінде 24-орында тұр. eGov жүйесі құрылды, жаппай көрсетілетін мемлекеттік қызметтердің едәуір бөлігі онлайн режимде қолжетімді, мобильді формат белсенді дамып келеді. Сондықтан Мемлекет басшысы белгілеген жасанды интеллектіні кең ауқымда енгізу бағыты цифрлық дамудың келесі заңды кезеңіне айналып отыр.
Осыған байланысты бүгінгі Үкімет отырысында мәселе жекелеген электрондық сервистерді дамыту шеңберінде ғана емес, жасанды интеллект негізінде мемлекеттік қызметтер экожүйесін қалыптастыру тұрғысынан кеңірек қаралды. Оның жекелеген элементтері қазірдің өзінде қалыптасып келеді: QazTech бірыңғай технологиялық негізді қалыптастырады, eGov 3.0 мемлекеттік қызметтердің өзін жеңілдетеді, eGov GPT азаматтардың мемлекетпен өзара байланыс жасау тәсілін өзгертеді, AI-кеңселер ХҚКО жұмысын трансформациялайды, ал eGov Business кәсіпкерлерге арналған сервистерді біріктіреді.
Ендігі басты тиімділік критерийі — әзірленген ақпараттық жүйелердің немесе тіпті онлайн режимге көшірілген қызметтердің саны емес. Цифрлық мемлекеттің тиімділігі азаматтар мен бизнеске үнемделген уақытпен өлшенуге тиіс.
Мемлекеттік қызметті алу үшін қаншалықты аз өтініш, анықтама, кезек, қолмен келісу және артық әрекет қажет болса, цифрлық трансформация соғұрлым нәтижелі жүзеге асырылды деген сөз.
Қазақстандықтар ХҚКО-ларда 1,5 миллионнан астам төлқұжат пен жеке куәлік рәсімдеді
Жеке куәлік пен төлқұжат алу – қазақстандықтар арасында сұранысқа ие мемлекеттік қызметтердің бірі. Жыл сайын миллиондаған азамат осы құжаттарды рәсімдеу үшін ХҚКО-ларға жүгінеді. Қызметті тез әрі еш қиындықсыз алу үшін рәсімдеу тәртібін алдын ала білген жөн.
2026 жылдың бірінші жартыжылдығында қазақстандықтарға 1,5 миллионнан астам жеке куәлік пен төлқұжат берілді. Ең жоғары сұраныс дәстүрлі түрде демалыс пен саяхат маусымына тұспа-тұс келіп, маусым айында 269 мыңнан астам құжат рәсімделді. Төлқұжат пен жеке куәлікті ХҚКО-да тез әрі ыңғайлы рәсімдеу үшін нені білу қажет?
Төлқұжат рәсімдеу
Төлқұжатты тіркелген жеріңізге қарамастан, Қазақстанның кез келген ХҚКО-сында рәсімдеуге болады, өйткені қызмет экстерриториялық қағидат бойынша көрсетіледі.
Төлқұжатты алғаш рет алу үшін жеке куәлікті ұсыну жеткілікті. Егер төлқұжаттың жарамдылық мерзімі аяқталуға жақын болса, оны алдын ала ауыстырған жөн. Бұл ретте төлқұжатты уақытында ауыстырмағаны немесе оның жарамдылық мерзімі өтіп кеткені үшін айыппұл қарастырылмаған. Қызметті оператор арқылы немесе құжаттандыру терминалы арқылы алуға болады.
Төлқұжат рәсімдеу кезінде кәмелетке толған азаматтар 36 немесе 48 беттен тұратын төлқұжатты таңдай алады. 36 беттік төлқұжат үшін мемлекеттік баж – 34 600 теңге, ал 48 беттік төлқұжат үшін – 51 900 теңге. 16 жасқа дейінгі балаларға арналған 24 беттік төлқұжаттың құны – 17 300 теңге.
Төлқұжатты дайындаудың стандартты мерзімі – 15 жұмыс күні. Қажет болған жағдайда жеделдетілген рәсімдеу қызметін пайдалануға болады. Астана, Алматы, Шымкент және Ақтөбе қалаларында төлқұжатты 1, 3 немесе 7 жұмыс күні ішінде жедел рәсімдеу мүмкіндігі бар. Облыс орталықтарында жедел рәсімдеу мерзімі 3 жұмыс күні, ал аудандар мен облыстық маңызы бар қалаларда 7 жұмыс күнін құрайды. Өтініш берілген күн мемлекеттік қызмет көрсету мерзіміне кірмейді.
Жеделдетілген рәсімдеу қызметі қолданыстағы тарифтерге сәйкес қосымша ақыға көрсетіледі.
Балаға төлқұжат рәсімдеу үшін оның туу туралы куәлігі, ата-анасының бірінің жеке куәлігі және мемлекеттік баждың төленгенін растайтын құжат қажет. Өтініш берген кезде ата-анасының бірінің қатысуы міндетті
Жеке куәлік рәсімдеу
Қазақстан Республикасы азаматының жеке куәлігі 16 жасқа толған кезде рәсімделеді.
Жеке куәлікті алғаш рет алған кезде және оның қолданылу мерзімі аяқталғаннан кейін ауыстырған жағдайда мемлекеттік баж алынбайды. Ал құжат жоғалған жағдайда мемлекеттік баж мөлшері 865 теңгені құрайды.
Қажет болған жағдайда жеке куәлікті де жеделдетілген тәртіппен рәсімдеуге болады. Ол үшін қолданыстағы жеделдік санаттарының бірін таңдауға болады.
«Заң мен тәртіп»: Ақсу ауданында «Антиграффити» акциясы өткізілді
«Заң мен тәртіп» қағидаты аясында жастар арасында қоғамдық тәртіпті сақтау, қоршаған ортаға ұқыпты қарау мәдениетін қалыптастыру және заңсыз граффитидің алдын алу мақсатында Ақсу ауданында «Антиграффити» акциясы ұйымдастырылды.
Іс-шара Ақсу аудандық полиция бөлімі мен «Aqsy jastary» жастар ресурстық орталығының бірлесіп ұйымдастыруымен өтті.
Акция барысында қатысушылар қоғамдық орындардағы заңсыз жазулар мен суреттерді тазалап, тұрғындар арасында түсіндіру жұмыстарын жүргізді. Сонымен қатар жастарға қоғамдық мүлікке ұқыпты қарау, қоршаған ортаның тазалығын сақтау және заң талаптарын орындаудың маңыздылығы жөнінде ақпарат берілді.
Мұндай профилактикалық іс-шаралар жастардың азаматтық жауапкершілігін арттыруға, құқықтық мәдениетін қалыптастыруға және ауданның тазалығы мен көркеюіне үлес қосуға бағытталған.
ХҚКО мен мамандандырылған ХҚКО-ларда, тіпті үйіңізде де мемлекеттік қызметтерді басым тәртіппен алуға көмектесетін жеке менеджер бар екенін білесіз бе?
🔹Мамандандырылған ХҚКО-да көлікті тіркеу/қайта тіркеу мәселелері бойынша қызмет көрсетеді.
🔹ХҚКО-да төлқұжат пен жеке куәлікті рәсімдеуден басқа барлық мәселелер бойынша сүйемелдейді.
Жеке менеджерді үйіңізге шақыртсаңыз, төлқұжат пен жеке куәлікті ресімдеу, сондай-ақ мамандандырылған ХҚКО бойынша қызметтер көрсетілмейтінін ескертеміз.