2026 жылы аудан бойынша балалардың
жазғы демалысын ұйымдастыру туралы
Қазақстан Республикасының 2001 жылғы 23 қаңтардағы «Қазақстан Республикасындағы жергілікті мемлекеттік басқару және өзін-өзі басқару туралы» Заңының 6 бабын басшылыққа ала отырып Жәнібек аудандық мәслихаты ШЕШТІ:
Лагерь балалардың денсаулығын жақсарту, сауықтыру мәселесі, ой-өрісін дамытып, ойлау қабілеттерін арттыру, гигиеналық және дене мәдениетін сақтау, медициналық сақтандыру, спорттық, білім беру, мәдени-демалу қызмет көрсету, күш-қуатын жақсартып, шығармашылықпен жұмыс атқару, азаматтық тәрбие, адамгершілікке, отаншылдыққа баулу, экологияны сақтауға балаларды тәрбиелеу бағдарламасын іске асыруға қолайлы жағдай жасау мақсатында ұйымдастырылады. «Балдаурен» лагері ғимаратының негізінен орналасқан жері, материалдық-техникалық базасы заманауи талаптарға сай келмейді. Бұл жағдайлар балалардың жазғы демалысының сапасына әсер етеді.
- Аудандық білім беру бөлімінің баяндамасы каперге алынсын.
- Білім беру бөлімінің басшысы (А.Мулдагалиевке) балалар демалыстарының әсерлі өтуіне, сауықтырылуы және демалуына қолайлы жағдай жасау бойынша:
- Қазақстан Республикасының Заңнамасында белгіленген санитарлық-эпидемиологиялық талаптарға сәйкес болуын басты назарда ұстау;
- балаларға арналған жазғы демалыс орталығының материалдық-техникалық базасын жаңартуды, күнделікті балалардың бос уақыттарының тиімді пайдалану, қызықты өткізу шараларын күшейтумен қоса, жоспарларын тиімді жүзеге асыру және толық бақылауға алу;
- Республикалық, облыстық лагерлерге іріктеу жұмыстарын бақылауға алу;
- балалардың толыққанды демалысын қамтамасыз ету үшін ауыл сыртында табиғатта туристік шатырлық лагерін ұйымдастыру;
- жазғы демалыс объектілерінің материалдық-техникалық базасын нығайту жөніндегі жұмысын жандандыру тапсырылсын.
- Жергілікті атқарушы органға:
- болашақта балалардың денсаулығын жақсартуға, сауықтыру мәселесін іске асыруға қолайлы жағдай жасау мақсатында табиғатқа жақын,суы бар маңайдан лагерь салу үшін дамыған жер учаскелерін қарастыру ұсынылады.
Депутаттар тарапынан айтылған ұсыныс-ескертпелер мүдделі мемлекеттік органдарға жеткізу ұсынылсын.
Мәслихат төрағасы Т.Кадимов