ХАБАРЛАНДЫРУ
Жаңақала аудандық Қоғамдық кеңесі Қазақстан Республикасының «Қоғамдық кеңестер туралы» Заңына, Қазақстан Республикасы Ақпарат және қоғамдық даму министрінің 2021 жылғы 26 ақпандағы №69 «Қоғамдық кеңес туралы үлгілік ережені бекіту туралы» бұйрығына сәйкес, аудандық Қоғамдық кеңес мүшелерінің бос орындарына қосымша конкурс жариялайды.
Азаматтық қоғам өкілдері құрамынан бос орындар саны - 4.
Конкурсқа он сегіз жасқа толған, Жаңақала ауданында тұрақты тұратын азаматтар қатыса алады.
Қоғамдық кеңес мүшелігіне кандидаттың:
1) Қазақстан Республикасының заңнамасында белгіленген тәртіппен жойылмаған немесе алынбаған сотталғандығы болмауға;
2) сот заңда белгіленген тәртіппен сыбайлас жемқорлық қылмыс және (немесе) сыбайлас жемқорлық құқық бұзушылық жасауда кінәлі деп танымаған болуға;
3) психикалық, мінез-құлықтық, оның ішінде психикаға белсенді әсер ететін заттарды тұтынуға байланысты бұзылушылықтардың (аурулардың) себебі бойынша психикалық денсаулық саласында медициналық көмек көрсететін ұйымдарда есепте тұрмауға тиіс.
Конкурсқа қатысу үшін:
1) кандидатураны Қоғамдық кеңестің құрамына ұсыну туралы коммерциялық емес ұйымның жазбаша ұсынысы және (немесе) азаматтың өтініші;
2) өмірбаян деректері көрсетіле отырып, кандидаттың кәсіптік және (немесе) қоғамдық қызметі туралы мәліметтер;
3) сотталғандығының болуы не болмауы туралы анықтама;
4) психикалық, мінез-құлықтық, оның ішінде психикаға белсенді әсер ететін заттарды тұтынуға байланысты бұзылушылықтардың (аурулардың) болуы не болмауы туралы анықтама ұсынылады.
Жоғарыда аталған құжаттарды 2023 жылдың 15 шілдеге дейін, «Жаңақала аудандық мәслихат аппараты» ММ-не, мына мекенжай бойынша жолдау қажет:
БҚО Жаңақала ауданы, Жаңақала ауылы, Халықтар Достығы көшесі, 44 үй, №213 кабинет, телефон 8(71141)21-7-68, электрондық пошта: j.maslihat@mail.ru.
Аудандық Қоғамдық кеңес төрағасы Р.Саматов