Жамбыл облысындағы COVID-2019 инфекциясының жаңа дерегі туралы

6 сәуірде күні Жамбыл облысында коронавирус ауруының жаңа жағдайы анықталды. Науқас Нұр-Сұлтан қаласының 1992 жылғы тұрғыны. Ол өз автокөлігімен Тараз қаласында тұратын ата-анасына келген.

5 сәуірде ЖРВИ белгілерімен провизорлық стационарға жатқызылған. Коронавирустық инфекцияға зертханалық зерттеу қорынтындысы оң нәтиже көрсеткен.

Барлық байланыста болған адамдар карантиндік стационарға орналастырылды, олардың жағдайы қанағаттанарлық, шағымдары жоқ.

Мекен-жайы және орналасқан жері бойынша ошақтарда дезинфекциялық өңдеу шаралары жүргізілді.