Жамбыл облысы тауарлар мен қызметтердің қауіпсіздігін бақылау департаментінің мәлімдемесі

26 наурыз күні Жамбыл облысының тауарлар мен қызметтердің қауіпсіздігін бақылау департаментіне коронавирусты инфекция диагнозы расталған Ақмола облысының тұрғынының қайтыс болғандығы туралы ақпарат түсті.

Оның ағымдағы жылдың 15-18 наурыз аралығында Жамбыл облысының Шу және Меркі аудандарының аумағына келіп-кеткендігі анықталған.

Медициналық және эпидемияға қарсы қызметтер марқұммен байланыста болған тоғыз тұлға анықталып, карантинге жатқызылды. Шу ауданында – 3, Меркі ауданында – 6. Олардан коронавирустық инфекциясына талдаулар алынды. Барған орындарында эпидемияға қарсы қажетті іс-шаралар жүргізілді.