COVID-19 ауруының жаңа жағдайлары туралы (04.11.2020)

Ағымдағы жылдың 4 қарашасындағы жағдай бойынша Жамбыл облысында коронавирустық инфекцияның 4 жағдайы тіркелді.

Атап айтсақ, Тараз қаласында 61 жастағы ер адам өз еркімен, Байзақ ауданында 48 жастағы ер адам кәсіби мақсатта тексерістен өткен. Олардың коронавирусқа тадаулары оң нәтиже көрсеткен. Олармен байланыста болған адамдар карантинге алынды. Ауру ошақтарында қорытынды дезинфекция жүргізілді.

Сондай-ақ, коронавирус 73 жастағы Тараз қаласының тұрғынынан, 35 жастағы Жуалы ауданының тұрғынынан анықталды. Науқастарда ауру симптомсыз өтуде.

Жалпы, ағымдағы жылдың 4 қарашасындағы жағдайға сәйкес Жамбыл облысында коронавирустық инфекцияның 4203 жағдайы тіркелді, ауруханалардан 4099 науқас емделіп шықты.