Жамбыл облыстық сайлау комиссиясының хабарламасы  

Жамбыл облысында аумақтық сайлау комиссияларының кеңейтілген отырыстары Жамбыл  Облыстық сайлау комиссиясының төрағасы С.Айдапкеловтың қатысуымен  өтуде.

Отырыстың күн тәртібінде келесі мәселелер қаралуда:

• Аумақтық сайлау комиссияларының 2020 жылы атқарылған жұмыстарының қорытынды есептері.
• 2021 жылдың 10 қаңтарында өткен Қазақстан Республикасы Парламенті Мәжілісі және мәслихаттары депутаттарының кезекті сайлауының қорытындысы туралы.
• Қазақстан Республикасы Парламенті Мәжілісі және мәслихаттары депутаттарының кезекті сайлауын өткізу мен даярлау барысында жоғары белсенділік танытқан азаматтарды марапаттау туралы.

Күн тәртібіндегі 1-2 мәселелер бойынша Аумақтық сайлау комиссияларының төрағалары есептерін беруде.

2021 жылдың наурыз айының 16-18 жұлдызында Тараз қ-сы, Байзақ, Т.Рысқұлов, Меркі, Қордай, Мойынқұм, Шу аудандарына  аумақтық сайлау комиссияларының кеңейтілген отырыстары өтті.

Отырыстарда Жамбыл  Облыстық сайлау комиссиясының төрағасы С.Айдапкелов сөз алып, жалпы облыстағы  сайлау жүйесін қорытындылай келе, өткен сайлау науқанын өткізу барысында жоғары белсенділік танытқан азаматтарға,  сайлау комиссияларына  сайлауды жоғарғы ұйымшылдықпен өткізгені үшін Облыс әкімі Б.Сапарбаевтың  алғысын  жеткізіп, ҚР ОСК және Жамбыл Облыстық сайлау комиссиясының алғыс хаттарымен бірқатар азаматтарды марапаттады.